ნებისმიერი პოლიტიკოსის მხრიდან მცდელობა იმის, რომ სალომე ზუაბიშვილის საკითხი იყოს აქტუალური,არის დახმარება ბიძინა ივანიშვილის და რუსული პარტიის, - ამის შესახებ "ერთიანი ნაციონალური მოძრაობის" თავმჯდომარემ, ლევან ხაბეიშვილმა განაცხადა.

ხაბეიშვილის თქმით, პარტიის პოლიტიკურმა საბჭომ მიიღო კონკრეტული გადაწყვეტილება და "რუსულ თამაშში მონაწილეობას საერთოდ არ აპირებს".

„მოდი, მარტივ რამეს გეტყვით, სალომე ზურაბიშვილი არის ბიძინა ივანიშვილის პროექტი. ახლა უნდათ, რომ წარმოაჩინოთ რომ საწყალი სალომეს, თურმე, იმპიჩმენტს უწყობენ; საწყალი სალომე, თურმე, დაპირისპირებულია ბიძინა ივანიშვილთან. არ ვარ მაღალი წარმოდგენის სალომე ზურაბიშვილზე. მით უმეტეს იმ პირობებში, როცა კონსტიტუციით მინიჭებულ უფლებამოსილებას არ იყენებს და პრეზიდენტი სააკაშვილი ჰყავს ტყვედ. ამიტომ, ნებისმიერი პოლიტიკოსის მხრიდან მცდელობა იმის, რომ სალომეს საკითხი იყოს აქტუალური, არის დახმარება ბიძინა ივანიშვილის და რუსული პარტიის.

ეს საკითხი არავის არ აინტერესებს, ჩემი აზრით და თქვენ ხომ გაქვთ თქვენი აზრის ქონის უფლება და ამას საზოგადოებას აწვდით, ყველა ტელევიზიას მინდა ვუთხრა - ეს საკითხი არავის არ აინტერესებს ბიძინა ივანიშვილის და რუსული პარტიის გარდა, რომ როგორმე შექმნან სალომე ზურაბიშვილისგან მსხვერპლი. ჩვენ ეს თემა არ გვაინტერესებს. აგერ პოლიტიკურმა საბჭომ კონკრეტული გადაწყვეტილება მიიღო - საერთოდ არ ვაპირებთ მონაწილეობას აი ამ რუსულ თამაშში“,- განაცხადა ლევან ხაბეიშვილმა.

ცნობისთვის, "ქართულმა ოცნებამ" საქართველოს პრეზიდენტის, სალომე ზურაბიშვილის წინააღმდეგ იმპიჩმენტის პროცედურის დაწყების გადაწყვეტილება 1-ელ სექტემბერს მიიღო.

ავტორი: ექსპრესნიუსი,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში