ეს კაცი, ირაკლი ღარიბაშვილი ნამდვილად არის დასაჭერი,- ამის შესახებ "ერთიანი ნაციონალური მოძრაობის" თავმჯდომარემ, ლევან ხაბეიშვილმა ცოტა ხნის წინ გამართულ ბრიფინგზე განაცხადა.

ხაბეიშვილის თქმით, თუ მთავარი პროკურორი ირაკლი შოთაძე  პრემიერ-მინისტრს "ბორკილებს არ დაადებს", მთავრობის მეთაურის "დანაშაულების თანამონაწილე" გახდება.

„შოვში რომ ადამიანები მიატოვეს და ამაზე არავინ პასუხისმგებლობა არ აიღო, უკიდურესი გაჭირვება რომ აქვს კახელ მევენახეს, უმძიმესი რეალობაა დასავლეთ საქართველოში, მათ შორის თხილის ფასთან დაკავშირებით, გურიაში ტრაგედია ხდება და ადამიანები, ფაქტობრივად, საცხოვრებელი სახლების გარეშე რჩებიან, გვყავს გარდაცვლილები, რაც ცხადია, ასევე უმძიმესია, ამის პარალელურად, პუტინის მთავარი სპიკერი საქართველოში, ბიძინა ივანიშვილის გაგრძელება ღარიბაშვილი თავს უფლებას აძლევს და გუშინ ტელეკომპანია „ტვ პირველმა“ გაასაჯაროვა კონკრეტული დოკუმენტაცია, საიდანაც ირკვევა, რომ ეს ფრენები, რომლებზეც ჩვენ ვსაუბრობთ და მისი ვოიაჟი, დაახლოებით, 200 ათას ლარამდე დაუჯდებოდა ბიუჯეტს. ასევე, რესტორანში, სადაც მან მის მეუღლეს გადაუხადა დაბადების დღე, დაახლოებით, 700 ათასი ლარი დაჯდებოდა. საუბარია ორ ღონისძიებაზე, მის დასვენებაზე, დაბადების დღეზე, რაშიც 900 ათას ლარამდე დახარჯავდა ირაკლი ღარიბაშვილი...

ჩვენი მთავარი მოთხოვნა არ მდგომარეობს მხოლოდ პოლიტიკურ პასუხისმგებლობაში და გადადგეს, რადგან მისი გადადგომის შემდეგ, წულუკიანს თუ დანიშნავს ბიძინა ივანიშვილი ან მაგალითად, ირაკლი კობახიძეს, ამით საქართველოში ქართველი ხალხისთვის არაფერი არ გამოსწორდება, თუმცა ეს კაცი, ირაკლი ღარიბაშვილი ნამდვილად არის დასაჭერი, ამიტომ პროკურორი რომ ჰქვია ბიძინა ივანიშვილის კიდევ ერთი თანაშემწე რომ გახლავთ შოთაძე, უამრავი დანაშაული აქვს მას სისხლის სამართლის ამ დრომდეც და მე მინდა მას ვუთხრა, რომ თუ ახლა კონკრეტულ ღონისძიებებს არ დაიწყებს ირაკლი ღარიბაშვილის წინააღმდეგ, მას ბორკილებს არ დაადებს, ისიც ისეთივე თანამონაწილეა ამ დანაშაულების რაც ჩამოვთვალე, რაც ვნახეთ, თუნდაც გუშინ, როგორც ირაკლი ღარიბაშვილი, ამიტომ ჩვენი მთავარი მოთხოვნა მდგომარეობს ირაკლი ღარიბაშვილის ციხეში გაშვებაში, რომ ის უნდა იყოს დაკავებული",- ამბობს ხაბეიშვილი.

ცნობისთვის, "ტვ პირველმა" გაავრცელა ინფორმაცია, რომლის მიხედვითაც, პრემიერ-მინისტრმა, ირაკლი ღარიბაშვილმა სამთავრობო თვითმფრინავი პირადი ვიზიტისთვის გამოიყენა.

ავტორი: ექსპრესნიუსი,

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის