ეს იყო სახელმწიფოს უსუსურად წარმოჩენის მცდელობა, სახელმწიფო ვალდებულია, ყველა შემთხვევაში აღასრულოს სამართალი,- ამის შესახებ იუსტიციის მინისტრმა, რატი ბრეგაძემ საქართველოს ყოფილი პრემიერ-მინისტრის, გიორგი გახარიას გადადგომასთან დაკავშირებით განაცხადა.

ბრეგაძის განცხადებით, მისთვის სრულიად გაუგებარი იყო ის მოვლენები, რაც ნიკანორ მელიას „ნაციონალური მოძრაობის" ოფისში მხარდამჭერებთან ერთად მოჰყვა, კერძოდ კი, პრემიერ-მინისტრ გიორგი გახარიას გადადგომა.

„ჩემთვის სრულიად გაუგებარი იყო მისი განცხადება, რომ, თუკი, თუნდაც, კანონიერი ღონისძიების აღსრულება საფრთხეს შეუქმნის ადამიანის სიცოცხლეს, ჯანმრთელობას ან პოლიტიკურ სტაბილურობას, ის არ უნდა აღსრულდეს. ის სწორედ ამ მოტივით გადადგა. ეს გადაწყვეტილება რომ შევაფასოთ, გამოდის, რომ ნებისმიერი დამნაშავე, რომელიც გამაგრდება შენობაში, გააკეთებს მხარდამჭერების მობილიზებას, წინააღმდეგობას გაუწევს პოლიციას და, თუკი არსებობს რისკები, კანონიერი ღონისძიება არ უნდა აღსრულდეს?! ეს იყო სახელმწიფოს უსუსურად წარმოჩენის მცდელობა. სახელმწიფო ვალდებულია, ყველა შემთხვევაში აღასრულოს სამართალი", - განაცხადა იუსტიციის მინისტრმა „იმედი LIVE"-ს ეთერში.

ავტორი: NS (სტატია დაფინანსებულია),

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში