აშშ-ს ხანგრძლივი ურთიერთობა აქვს საქართველოსთან და ჩვენ ერთგულნი დავრჩებით ქართველი ხალხისა და ქვეყნის მისწრაფებების მიმართ, - ამის შესახებ აშშ-ის სენატის საგარეო კომიტეტის მრჩეველმა, კრის სოჩამ ტელეკომპანია "ფორმულასთან" განაცხადა.

მისივე თქმით, აშშ იმედგაცურებულია იმით, თუ როგორ ექცეოდნენ აშშ-ის ელჩს, კელი დეგნანს საქართველოში, ის იმედს გამოთქვამს, რომ ახალი ელჩის, რობინ დანიგანის მიმართ მმართველი პარტია პატივისცემას გამოიჩენს.

"აშშ-ს ხანგრძლივი ურთიერთობა აქვს საქართველოსთან და ჩვენ ერთგულნი დავრჩებით ქართველი ხალხისა და ქვეყნის მისწრაფებების მიმართ. გამოწვევა ისაა, რომ ჩვენ ძალიან იმედგაცრუებული ვიყავით იმით, როგორ მოექცნენ ელჩ დეგნანს. პირადი თავდასხმები, რაც მასზე განხორციელდა, მიგვაჩნია, რომ ამაზრზენი იყო და არ უნდა მომხდარიყო. ვიმედოვნებ, რომ ელჩი დანიგანი როდესაც ჩამოვა, ნამდვილ პატივისცემას მიიღებს, რაც უნდა იყოს გამოხატული შეერთებული შტატების ელჩის მიმართ. უნდა აღვნიშნოთ, რომ მის მიმართ მოპყრობას არსებითი გავლენა აქვს ადამიანებზე ვაშინგტონში და მათ შთაბეჭდილებაზე საქართველოს შესახებ.

ჩვენი ურთიერთობები ხანგრძლივია. ნებისმიერ ურთიერთობაში არსებობს გარკვეული წყვეტები და მათი დაძლევა შესაძლებელია. ხანდახან ამას დრო სჭირდება და ყოველთვის არსებობს უთანხმოება, რაზეც მუშაობა არის საჭირო. ვიმედოვნებთ, რომ შევძლებთ ჩვენი უთანხმოების დაყვანს პოლიტიკამდე. ჩვენ შეგვიძლია ერთად მუშაობა, თუ არსებობს მზაობა და სურვილი ამ პრობლემებზე სამუშაოდ", - განაცხადა სოჩამ.

ავტორი: ექსპრესნიუსი,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში