სამხრეთ-აღმოსავლეთ ევროპის 11 ქვეყნის ლიდერებმა ათენში გამართული სამიტის დროს უკრაინის ტერიტორიული მთლიანობის მხარდაჭერის შესახებ დეკლარაციას მოაწერეს ხელი. აღნიშნულის შესახებ ინფორმაციას CNN Greece ავრცელებს.

CNN Greece-ის ცნობით, ქვეყნებმა უკრაინის დამოუკიდებლობის, სუვერენიტეტისა და ტერიტორიული მთლიანობის ურყევი მხარდაჭერა გამოხატეს, ამ ქვეყნის საერთაშორისოდ აღიარებული საზღვრების ფარგლებში, რომელიც დემოკრატიის ფასეულობებსა და სამართლის უზენაესობაზე არის დაფუძნებული.

"რუსეთის შეჭრა უკრაინაში საკვანძო მომენტია ევროპისთვის, რომელიც ქმნის ცნობიერების ახალ დონეს, საერთო პრინციპებს, ერთიანობისა და საერთო მომავლს ევროკავშირის შიგნით. ეს არის კრიტიკული მომენტი ჩვენი ევროპული კონტინენტის უსაფრთხოების, მშვიდობისა და სტაბილურობისთვის,- ნათქვამია დეკლარაციაში.

გამოცემის ცნობითვე, დოკუმენტს ევროპის საბჭოს თავმჯდომარის, შარლ მიშელის და ევროკომისიის პრეზიდენტის, ურსულა ფონ დერ ლაიენის თანდასწრებით ხელს სერბეთის, მოლდოვის, უკრაინის, მონტენეგროს პრეზიდენტები, საბერძნეთის, რუმინეთის, კოსოვოს პრემიერ-მინისტრები, ბოსნია-ჰერცეგოვინას, ჩრდილოეთ მაკედონიის, ბულგარეთის, ხორვატიის წარმომადგენლები აწერენ.

ავტორი: ექსპრესნიუსი,

სოციალური ქსელები

ტრამპმა ლიეტუვას მოსთხოვა, ევროკავშირის სანქციების გვერდის ავლის მიზნით, ბელარუსული კალიუმის ექსპორტისთვის პორტი გაეხსნა

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი

რუსეთის მიერ ოკუპირებული ოლეშკადან ხალხის ევაკუაცია დაიწყო