შვეიცარია უერთდება ევროკომისიის მიერ 2022 წელს მიღებულ გადაწყვეტილებას, უკრაინისა და საქართველოს ოკუპირებულ ტერიტორიებზე რუსეთის მიერ გაცემული დოკუმენტების არაღიარების შესახებ,- ამის შესახებ შვეიცარიის ფედერალური საბჭოს განცხადებაშია აღნიშნული.

შვეიცარიის ფედერალური საბჭოს განცხადების მიხედვით, ქვეყანა არ გასცემს შენგენის ვიზას და არ დაუშვებს შენგენის ზონის საზღვრის გადაკვეთას რუსეთის მიერ გაცემული დოკუმენტით უკრაინისა და საქართველოს დროებით ოკუპირებულ ტერიტორიებზე.

"უკრაინის რუსეთის მიერ ოკუპირებული რეგიონებიდან ან საქართველოს სეპარატისტული რეგიონებიდან ადამიანები ვეღარ შეძლებენ შენგენის ვიზის აღებას ან შენგენის შიდა საზღვრის კვეთას რუსეთის მიერ გაცემული სამგზავრო დოკუმენტით”,- აღნიშნულია განცხადებაში.

ამავე განცხადების თანახმად, დიპლომატიური და ჩვეულებრივი პასპორტები, მოქალაქეობის არმქონე პირთა ბინადრობის ნებართვები და მეზღვაურის პირადობის მოწმობები აღარ იქნება აღიარებული.

"ჩვეულებრივი და დიპლომატიური პასპორტები, მოქალაქეობის არმქონე პირთა ბინადრობის მოწმობები, მეზღვაურებისთვის დაბრუნების მოწმობები და პირადობის დამადასტურებელი დოკუმენტები არ იქნება აღიარებული",- ვკითხულობთ განცხადებაში.

გარდა ამისა, განცხადებაში ასევე ნათქვამია, რომ უკრაინის რეგიონებისთვის საბუთების არაღიარების თარიღები რეგიონზე იქნება დამოკიდებული, ხოლო საქართველოს ოკუპირებული რეგიონების შემთხვევაში, თარიღად 2008 წლის 26 აგვისტოა მითითებული.

ავტორი: ექსპრესნიუსი,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში