|
2023-08-16 11:30:16, 508 ნახვა
საზოგადოება
იური ნოზაძემ აშშ-ის შინაგანი დეპარტამენტის და ეროვნული პარკების სამსახურის ოფიციალურ პირებთან სამუშაო შეხვედრები გამართა
გარემოს დაცვისა და სოფლის მეურნეობის მინისტრის მოადგილე იური ნოზაძე, დაცული ტერიტორიების სააგენტოს თავმჯდომარის მოადგილე თომა დეკანოიძესთან ერთად, ოფიციალური ვიზიტით, ამერიკის შეერთებულ შტატებში იმყოფებოდა. სოფლის მეურნეობის სამინისტროს ცნობით, ვიზიტის ფარგლებში, შეხვედრები გაიმართა აშშ-ის შინაგანი დეპარტამენტის მდივნის მოადგილე ტომი ბედროუსთან და ეროვნული პარკების სამსახურის დირექტორ ჩაკ სემსთან. "შეხვედრებზე ხაზი გაესვა საქართველოსა და ამერიკის წარმატებული პარტნიორობის მრავალწლიან ისტორიას. მხარეებმა საუკეთესო გამოცდილების, ცოდნისა და ინფორმაციის გაზიარების, ერთობლივი პროექტებისა და აქტივობების განხორციელების სამომავლო გეგმებზე იმსჯელეს. ვიზიტის ფარგლებში, კოლხეთის ეროვნულ პარკსა და მის დაძმობილებულ დაცულ ტერიტორიას - პოინტ რეის ეროვნულ პარკს შორის გაფორმდა თანამშრომლობის მემორანდუმის 5 წლით გაგრძელების დოკუმენტი. თანამშრომლობა ითვალისწინებს გამოცდილების გაზიარებას რესურსების მართვა-მონიტორინგის, კლიმატის ცვლილების, გარემოსდაცვითი განათლებისა და საზოგადოებასთან ურთიერთობის, ეროვნული პარკების თანამშრომლების კვალიფიკაციის ამაღლების მიმართულებებით. ქართულმა დელეგაციამ, მონაწილეობა მიიღო რეინჯერთა საერთაშორისო დღისადმი მიძღვნილ ღონისძიებაში, რომელიც პოინტ რეის ეროვნულ პარკში გაიმართა. აღნიშნული ვიზიტი ამერიკის შეერთებული შტატების შინაგანი დეპარტამენტის საერთაშორისო ტექნიკური დახმარების და USAID-ის ეროვნული პარკების და ეკოტურიზმის პროგრამის ფარგლებში განხორციელდა. აღსანიშნავია, რომ აშშ-ის შინაგან დეპარტამენტსა და საქართველოს გარემოს დაცვისა და სოფლის მეურნეობის სამინისტროს მრავალწლიანი თანამშრომლობა აკავშირებს. აშშ-ის ეროვნული პარკების წარმომადგენლები აქტიურად არიან ჩართული საქართველოში დაცული ტერიტორიების შექმნის პროცესსა და კვლევით საქმიანობებში",- ნათქვამია უწყების ინფორმაციაში.
|
რედაქტორის რჩევით
რატომ შეხვდნენ ოცნების მინისტრები, ჩინეთის ინტერნეტის ცენზორს
რეპრესიების არქიტექტურა – სამოქალაქო საზოგადოების გამოწვევები ავტორიტარული ტენდენციების პირობებში
ომი უკრაინაში
ოდესაში, რუსული სამხედრო თავდასხმის შედეგად 16 ადამიანი დაშავდა
ტრამპთან უთანხმოების გამო, უკრაინაში ერთ წელიწადში აშშ-ის მეორე ელჩი თანამდებობას დატოვებს
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: NS (სტატია დაფინანსებულია),



epn.ge (@expressnews.ge)