2023-08-14 12:46:44, 815 ნახვა

---

გომელაური - ჩემი თანამდებობის დატოვებას წყვეტს პრემიერი - ოპოზიციის გადაყენებული 100-ჯერ მაინც ვარ

ჩემი თანამდებობის დატოვებას წყვეტს ბატონი პრემიერ-მინისტრი, პარტია, გუნდი,- ასე უპასუხა შინაგან საქმეთა მინისტრმა, ვახტანგ გომელაურმა ჟურნალისტების შეკითხვას, განიხილება თუ არა მისი მინისტრის თანამდებობიდან გათავისუფლების საკითხი.

როგორც გომელაურმა განაცხადა, აღნიშნულ საკითხთან დაკავშირებით საუბარი არ ყოფილა.

„ჩემი თანამდებობის დატოვებას წყვეტს ბატონი პრემიერ-მინისტრი, პარტია, გუნდი და თუ ისინი გადაწყვეტენ, არაფერი არ გამიჭირდება. მე, დაახლოებით, 9 წელია, რაც თანამდებობაზე ვარ. ერთი 100-ჯერ მაინც ვარ ოპოზიციის გადაყენებული. როგორც გადაწყვეტს გუნდი, ბატონი პრემიერი...“,- თქვა გომელაურმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი