2023-08-10 18:04:17, 1598 ნახვა
სამართალი
მედია - ავსტრიის პოლიციამ დააკავა საქართველოს მოქალაქე, რომელსაც საზღვარზე მიგრანტები გადაჰყავდა
ავსტრიის პოლიციამ საქართველოს მოქალაქე დააკავა, რომელსაც ავსტრია-უნგრეთის საზღვარზე მიგრანტები უკანონოდ გადაჰყავდა. აღნიშნულის შესახებ ინფორმაციას ადგილობრივი მედია ავრცელებს.
მედიის ცნობით, სასაზღვრო პოლიციამ ფურგონი შემოწმების მიზნით გააჩერა, რა დროსაც ეროვნებით ქართველი მძღოლი მიმალვის მიზნით გაიქცა, ფურგონში კი, დაახლოებით, 20 ადამიანი იმყოფებოდა, მათ შორის ქალები და ბავშვები.
მედიის ინფორმაციითვე, რამდენიმესაათიანი ძებნის შემდეგ, ჭაობში დამალული მძღოლი შვეულმფრენის მეშვეობით იპოვეს.
ავტორი: ექსპრესნიუსი,
epn.ge (@expressnews.ge)
