2023-08-07 11:02:30, 978 ნახვა
საზოგადოება
თბილისში, ლიბანის ქუჩაზე ხანძარი იყო [ვიდეო]
თბილისში, ლიბანის ქუჩაზე წუხელ ხანძარი იყო. როგორც "ექსპრესნიუსს" შინაგან საქმეთა სამინისტროს საგანგებო სიტუაციების მართვის სამსახურში განუცხადეს, მეხანძრე-მაშველებმა ერთ-ერთი საცხოვრებელი კორპუსის ცეცხლმოკიდებული ბინიდან 4 ადამიანი, მათ შორის ერთი არასრულწლოვანი გამოიყვანეს.
უწყების ცნობით, დაშავებულებს მსუბუქი ინტოქსიკაცია აღენიშნებოდათ და ისინი სამედიცინო დაწესებულებაში გადაიყვანეს.
საგანგებო სიტუაციების მართვის სამსახურის ინფორმაციით, ხანძარი ლიკვიდირებულია.
ავტორი: ექსპრესნიუსი,
epn.ge (@expressnews.ge)
