2023-08-04 12:40:52, 563 ნახვა

---

რიჟვაძე - განუზომელია შოვში მომხდარი ტრაგედიის სიმძიმე და მასშტაბები, ვიზიარებ სრულიად საქართველოს ტკივილს

განუზომელია შოვში მომხდარი ტრაგედიის სიმძიმე და მასშტაბები. მთელი ქვეყანა შეძრა სტიქიის შედეგად გამოწვეულმა უბედურებამ,- ამის შესახებ ნათქვამია განცხადებაში, რომელსაც აჭარის მთავრობის თავმჯდომარე თორნიკე რიჟვაძე ავრცელებს.

რიჟვაძე გარდაცვლილთა ოჯახებს სამძიმარს უცხადებს.

"დიდი გულისტკივილით ვიზიარებ გარდაცვლილთა ოჯახების და ჩვენი ხალხის დიდ მწუხარებას.

იმედს გამოვთქვამ, რომ ჩვენი მაშველები შეძლებენ დაკარგული ადამიანების პოვნას და გადარჩენას.

შოვში მომხდარი ტრაგედიის გამო, სახალხო დღესასწაული "შუამთობა", რომელიც 5 აგვისტოს იყო დაგეგმილი, გადაიდო.

ვიზიარებ სრულიად საქართველოს ტკივილს. საკუთარ ოჯახებში მშვიდობით და უვნებლად დაბრუნებას ვუსურვებ ჩვენს მოქალაქეებს", - ნათქვამია თორნიკე რიჟვაძის განცხადებაში. 

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი