ქართულ-ამერიკული ურთიერთობები წინ ვერ წავიდა და ამაში დეგნანი უნდა ვცნოთ დამნაშავედ,- ამის შესახებ "ქართული ოცნების" დეპუტატმა, ირაკლი ზარქუამ განაცხადა.

ზარქუას თქმით, საქართველოში აშშ-ის ელჩმა, კელი დეგნანმა უფრო გააღრმავა პოლარიზაცია მისი არასამართლიანი და არაჯანსაღი ჩარევებით.

"ვისურვებდი, რომ საელჩოს წარმომადგენლები მაშინ, როდესაც ჩემს ქვეყანას ევროპარლამენტარები ასე ურცხვად უტევდნენ, უსაფუძვლოდ და რომელშიც ფული იყო გადახდილი, გამოსულიყვნენ და ეს დაეგმოთ, ეთქვათ, რომ ეს ასე არ არის, რადგან ჩვენ გვჯერა, გვწამს და იმედი გვაქვს, რომ ისინი ჩვენი მეგობრები არიან. სამწუხაროა, ქალბატონი კელი დეგნანის ელჩობის დროს ქართულ-ამერიკული ურთიერთობები წინ ვერ წავიდა და ამაში ქალბატონი კელი უნდა ვცნოთ დამნაშავედ, მან ვერ გაართვა თავი სამწუხაროდ, პირიქით, მან შეძლო, მოახერხა და პოლარიზაცია უფრო გააღრმავა ქართულ საზოგადოებაში მისი არასამართლიანი, არაჯანსაღი ჩარევებით თუ განცხადებებით",- განაცხადა ზარქუამ.

ცნობისთვის, ცოტა ხნის წინ საქართველოში აშშ-ის საელჩომ გაავრცელა განცხადება, სადაც აღნიშნულია, რომ საელჩოში არავის მიუღია მონაწილეობა ყოფილი პრეზიდენტის, სააკაშვილის ლობირებაში და არც დახმარებია მის ლობისტებს შეხვედრის დაგეგმვაში.

ავტორი: ექსპრესნიუსი,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში