2023-07-24 12:20:21, 890 ნახვა

---

ლორთქიფანიძე - განიხილება ქართულ-რუსული უნივერსიტეტის დაარსების საკითხი - ვეძებთ შესაფერის ადგილს

საქართველოში პრიმაკოვის ცენტრის ხელმძღვანელი დიმიტრი ლორთქიფანიძე აცხადებს, რომ თბილისში ქართულ-რუსული უნივერსიტეტის გახსნა იგეგმება. აღნიშნულ საკითხზე ლორთქიფანიძემ საქართველოში დაფუძნებული რუსულენოვანი მედიისთვის მიცემულ ინტერვიუში რამდენიმე დღის წინ ისაუბრა.

ლორთქიფანიძის თქმით, სასწავლო დაწესებულებაში სწავლა უფასო იქნება.

"ახლა კონკრეტულად ქართულ-რუსული უნივერსიტეტის დაარსების საკითხი განიხილება. ამ ეტაპზე ვეძებთ შესაფერის ადგილს ამ სასწავლო დაწესებულებისთვის. უნივერსიტეტში სწავლა უფასო იქნებ. დაფინანსების ხარჯებს რუსეთის ფედერაცია დაფარავს. ეს იქნება უნიკალური უნივერსიტეტი, რომელიც სრულად დაკომპლექტდება რუსული მხარის მიერ. მჯერა, რომ სექტემბრის ბოლომდე გვექნება უფრო ნათელი სურათი და გვექნება დეტალები ამ უნივერსიტეტთან დაკავშირებით",- ამბობს ლორთქიფანიძე.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი