მიხეილ სააკაშვილთან დაკავშირებული მოწოდების ავტორები ოდიოზური ევროპარლამენტარები არიან,- აღნიშნულის შესახებ "ქართული ოცნების" თავმჯდომარემ, ირაკლი კობახიძემ განაცხადა.

კობახიძის თქმით, ხელისუფლება ქვეყნის ინტერესების კარნახით იმოქმედებს.

"ამ მოწოდების ავტორები არიან ოდიოზური ევროპარლამენტარები. თქვენ გახსოვთ 600 დღის განმავლობაში, სააკაშვილი ყოელდღე კვდებოდა, სტრასბურგის გადაწყვეტილების შემდეგ, გაირკვა, რომ სააკაშვილმა გადაწყვიტა, აღარ კვდებოდეს ყოველდღე, თუმცა რაღაც მომენტის შემდეგ ეს გადაწყვეტილება ისევ შეცვალა. ეს უბრალოდ არასერიოზულია და სამარცხვინოა. რასაც ეს ოდიოზური ევროპარლამენტარები აკეთებენ, არის არა მხოლოდ აბსურდი, არამედ უბრალოდ სამარცხვინოა, ეს თამამად შეიძლება ითქვას. ამ ყველაფრის უკან დგას კონკრეტული მიზანი - პოლარიზაციის გაღვივება, ქვეყანაში არეულობის შემოტანა, "მეორე ფრონტი". ჩვენ ამ ყველაფერს, რა თქმა უნდა, რა დავუშვებთ. ჩვენი მიზანი საპირისპიროა - ჩვენ არ გვინდა პოლარიზაცია, ქვეყნის არევა და ჩვენ გვინდა მშვიდობა ამ ქვეყანაში, აქედან გამომდინარე, ჩვენ ვიმოქმედებთ, არა ოდიოზური ევროპარლამენტარების კარნახით, არამედ ჩვენი ქვეყნის ინტერესების კარნახით",- განაცხადა კობახიძემ.

შეგახსენებთ, რომ 44-მა ევროპარლამენტარმა საქართველოს პრეზიდენტ სალომე ზურაბიშვილს, პრემიერ-მინისტრ ირაკლი ღარიბაშვილსა და პარლამენტის თავმჯდომარე შალვა პაპუაშვილს წერილით მიმართა, სადაც ისინი ხელისუფლებას მოუწოდებენ, მხარი დაუჭირონ საქართველოს მესამე პრეზიდენტის, მიხეილ სააკაშვილის ევროკავშირის ერთ-ერთ წევრ ქვეყანაში გადაყვანას.

ავტორი: ექსპრესნიუსი,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში