ადამიანმა, რომელმაც აქცია საქართველო სერიოზულ და დიდ ქვეყნად, ამ ადამიანს ამჟამად საქართველო კლავს, - ამის შესახებ რადას დეპუტატმა, ელიზავეტა ბოგუტსკაიამ ტელეკომპანია "ფორმულას" ეთერში განაცხადა.

მისივე თქმით, ქვეყნის ყოფილი პრეზიდენტისადმი ასეთი დამმოკიდებულებით საქართველო ევროკავშირზე ვერც იოცნებებს.

"ადამიანმა, რომელმაც აქცია საქართველო სერიოზულ და დიდ ქვეყნად, ამ ადამიანს ამჟამად საქართველო კლავს. ეს არის საშინელება და ამის ყურება გულისტკივილის გარეშე შეუძლებელია. ამ კონკრეტულ შემთხვევაში, მე ჩემს ემოციურ პოსტებში ბრალს ვდებ არა მხოლოდ საქართველოს ხელისუფლებას, არამედ ნაწილი ჩემი ბრალდებებისა ეხება ქართველ ხალხს, რომელიც პასიურად უყურებს იმას, თუ როგორ კლავენ ადამიანს, რომელმაც საქართველო აქცია ისეთ ქვეყნად, რომელიც რეალურად ლიდერად აქცია მან რეფორმების თვალსაზრისით. არჩევანს თუ ავიღებთ ევროპასა და რუსეთს შორის, საქართველო რუსეთის მხარეს ირჩევს. ეს ნათელი გახდა იმ დემოკრატიული რეფორმების უკუსვლით, რომელიც საქართველოში ხდება. ამ შემთხვევაში, ამას აქვს პირდაპირი კავშირი იმასთან, თუ რა პირობებში იმყოფება მიხეილ სააკაშვილი პატიმრობაში და ის, რომ საქართველოს ხელისუფლება არ აძლევს სააკაშვილს უფლებას, რომ წავიდეს სამკურნალოდ უკრაინაში ან ნებისმიერ ევროპის მესამე ქვეყანაში გაემგზავროს. ასეთი დამოკიდებულებით პრეზიდენტისადმი და პრეზიდენტის ტიტული არის სამუდამო, ასეთი დამოკიდებულებით პრეზიდენტთან, საქართველო ვერც იოცნებებს ევროკავშირზე", - განაცხადა რადას დეპუტატმა.

შეგახსენებთ, გუშინ, 3 ივლისს უკრაინის პრეზიდენტმა, ვოლოდიმირ ზელენსკიმ განაცხადა, რომ ქვეყნის დიპლომატიურ უწყებას დაავალა, გამოიძახოს საქართველოს ელჩი და მოსთხოვოს მას, ექსპრეზიდენტ მიხეილ სააკაშვილის კიევისთვის გადაცემის საკითხზე თბილისთან კონსულტაციების გამართვის მიზნით, ქვეყანა 48 საათის განმავლობაში დატოვოს. 

აღნიშნულის შემდეგ, დღეს, 4 ივლისს უკრაინის საგარეო საქმეთა სამინისტრომ გაავრცელა განცხადება, რომლის მიხედვითაც, უკრაინაში საქართველოს ელჩი გიორგი ზაქარეიშვილი დიპლომატიურ უწყებაში დაიბარეს და მიხეილ სააკაშვილის ჯანმრთელობის გაუარების გამო მკაცრი პროტესტი გამოხატეს.

განცხადების თანახმად, უკრაინის დიპლომატიურმა უწყებამ ზაქარეიშვილს შესთავაზა თბილისში დაბრუნება კონსულტაციების გასავლელად და შექმნილი სიტუაციიდან გამოსავლის მოსაძებნად.

ავტორი: ექსპრესნიუსი,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს