თბილისის მერმა, კახა კალაძემ განაცხადა, რომ  მიხეილ სააკაშვილი ცდილობდა, მსოფლიოსთვის ეჩვენებინა, თითქოს საქართველოში ადამიანის უფლებები ირღვეოდა.

„სასამართლოს გადაწყვეტილება მიღებული აქვს, მიხეილ სააკაშვილს კონკრეტულ დანაშაულებზე აქვს მისჯილი პატიმრობა. როგორც იცით, მან გაასაჩივრა და საკითხი სტრასბურგში წარადგინა. აღნიშნულ საქმესთან დაკავშირებით, სტრასბურგმა რა მოიწერა ესეც კარგად ვიცით. შესაბამისად, ყველა კითხვაზე არსებობს პასუხი. ის, რასაც სააკაშვილი ცდილობდა, საქართველოს წინააღმდეგ პიარ კამპანია იყო. ეს იყო მცდელობა, მსოფლიოსთვის ეჩვენებინა, თითქოს საქართველოში ადამიანის უფლებები, პატიმრის უფლებები ირღვეოდა“, - განაცხადა კახა კალაძემ.

მისი თქმით, სასჯელის თავიდან არიდების მიზნით, მიხეილ სააკაშვილი თვითდაზიანების რეჟიმში იმყოფებოდა.

„ეს ადამიანი თვითდაზიანების რეჟიმში იმყოფებოდა. ესეც პიარ სტრატეგიის ნაწილი იყო. რეალურად არაფერი ხდება. მთავარია ამ ადამიანმა მიიღოს შესაბამისი კალორიები. მიხეილ სააკაშვილი სასჯელს კლინიკაში იხდის, რადგან წამოწყებული იყო კამპანია მისი ჯანმრთელობის პრობლემების შესახებ. ეს ადამიანი ამ ხნის განმავლობაში თვითდაზიანების რეჟიმში იყო იმ მიზნით, რომ ის სასჯელისგან გათავისუფლებულიყო. გამოდიოდნენ კონკრეტული ექიმები, პოლიტიკოსები და ამბობდნენ, თითქოს ის ხელისუფლებამ მოწამლა. გამოვიდნენ ახლა და საზოგადოებას ბოდიში მოუხადონ სიცრუისთვის“, - აღნიშნა კახა კალაძემ.

ავტორი: NS (სტატია დაფინანსებულია),

სოციალური ქსელები

საგარეჯოში, ძმების დამამძიმებელ გარემოებაში ჩადენილი განზრახ მკვლელობის ფაქტზე ერთი პირი დააკავეს

Bloomberg: ფონ დერ ლაიენმა პოლონეთის პრეზიდენტთან პრესკონფერენციაზე უარი თქვა, ამით მხარი ტუსკს დაუჭირა

ტრამპმა მაგიდაზე წითელი ქუდი გადმოკიდა წარწერით „ვეტო“

საფრანგეთში გამართულ საპროტესტო აქციებში თითქმის 1.6 მილიონი ადამიანი მონაწილეობდა