ტუბერკულოზის მკურნალობის ახალი მიდგომების შემუშავების მიზნით, ტუბერკულოზისა და ფილტვის დაავადებათა ეროვნულმა ცენტრმა, კვლევის პრეზენტაცია გამართა

2023-06-29 13:40:39, 1179 ნახვა

საზოგადოება

პაციენტზე ორიენტირებული თერაპიის ფარგლებში, ტუბერკულოზის მკურნალობის ახალი მიდგომების შემუშავების მიზნით, ტუბერკულოზისა და ფილტვის დაავადებათა ეროვნულმა ცენტრმა, კვლევის პრეზენტაცია გამართა. პროექტის მიზანი, როგორც ქვეყანაში, ისე რეგიონში ტუბერკულოზით დაავადებული პაციენტებისთვის უკეთესი სამედიცინო სერვისების მიწოდების ხელშეწყობაა. აღნიშნულის შესახებ ინფორმაციას ჯანდაცვის სამინისტრო ავრცელებს.

მათი ცნობით, კვლევა ევროკავშირის Horizon 2020-ის პროგრამის ფარგლებში ფინანსდება. შემაჯამებელ პრეზენტაციაზე, სიტყვით გამოვიდა ჯანდაცვის მინისტრის პირველი მოადგილე. თამარ გაბუნიამ აღნიშნა, რომ საერთაშორისო თანამშრომლობა კიდევ უფრო მეტად გააძლიერებს ტუბერკულოზისა და ფილტვის დაავადებათა ეროვნული ცენტრის სტატუსს როგორც ქვეყანაში, ასევე - რეგიონში.

„მკურნალობის ახალი მიდგომების შემუშავების მნიშვნელობაზე ტუბერკულოზის ეროვნული პროგრამის კოორდინატორმა ისაუბრა. ზაზა ავალიანის განმარტებით, დაავადების დროული დიაგნოსტიკა და მკურნალობის ოპტიმალური ვადები ტუბერკულოზით ავადობის მნიშვნელოვნად შემცირების წინაპირობაა.

სამეცნიერო კონსორციუმის წარმომადგენლები ტუბერკულოზისა და ფილტვის დაავადებათა ცენტრშიც იმყოფებოდნენ, სადაც ტუბერკულოზის პროგრამის მიმდინარეობას და იმ კვლევით მიღწევებს გაეცნენ, რაც ცენტრს გააჩნია.

სამ დღიან საერთაშორისო კონფერენციაში, 11 სხვადასხვა ქვეყნის წარმომადგენელი მონაწილეობდა“,- აღნიშNულია ინფორმაციაში.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),