გარემოს დაცვისა და სოფლის მეურნეობის მინისტრის პირველი მოადგილე ნინო თანდილაშვილი ევროკავშირის პროგრამის - „სოფლის მეურნეობისა და სოფლის განვითარების ევროპის სამეზობლო პროგრამა“ (ENPARD) მმართველი კომიტეტის 31-ე სხდომას დაესწრო. აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

მათი ცნობით, მინისტრის მოადგილემ ევროკავშირს მხარდაჭერისა და პარტნიორობისთვის მადლობა გადაუხადა.

„ვაფასებთ ევროკავშირის მიერ აღიარებულ საქართველოს ევროპულ პერსპექტივას და ვიმედოვნებთ, რომ ჩვენს ქვეყანას ძალიან მალე მიენიჭება კანდიდატის სტატუსი. „სოფლის მეურნეობის და სოფლის განვითარების ევროპის სამეზობლო პროგრამა“ მნიშვნელოვან როლს ასრულებს საქართველოს სოფლის მეურნეობის და სოფლის განვითარების კუთხით. თვალსაჩინო და აღსანიშნავია ის წინგადადგმული ნაბიჯები, რაც, როგორც სოფლის მეურნეობის, ისე გარემოს დაცვის მიმართულებით გვაქვს. გარემოს დაცვისა და სოფლის მეურნეობის სამინისტრო აგრძელებს რეფორმების განხორციელებას. საერთაშორისო პარტნიორების მხარდაჭერა ჩვენთვის განსაკუთრებით მნიშვნელოვანია. იმედი მაქვს, სათანადოდ შეფასდება საქართველოს მიერ მიღწეული პროგრესი“, - განაცხადა ნინო თანდილაშვილმა.

საქართველოში ევროკავშირის დელეგაციის თანამშრომლობის ხელმძღვანელის მოვალეობის შემსრულებლის, კატალინ გერმანის თქმით, სოფლის მეურნეობის სფეროში პროგრესი არაერთი მიმართულებით არის შესამჩნევი.

„დღევანდელ შეხვედრაზე არაერთი მნიშვნელოვანი საკითხი განვიხილეთ. პროგრესი ყველა მიმართულებით ჩანს, თუმცა, ამჯერად, მინდა ყურადღება გავამახვილო სოფლის მეურნეობის სისტემაში შემავალი უწყებების ინსტიტუციონალურ დონეზე გაუმჯობესების საკითხზე, ასევე, ლაბორატორიული მიმართულებით შემუშავებული სტრატეგიების განხორციელებასთან დაკავშირებულ პროგრესზე“, - აღნიშნა კატალინ გერმანმა.

შეხვედრაზე საუბარი ასევე შეეხო, 2021-2023 წლებში ENPARD-ის IV ფაზის საბიუჯეტო დახმარების საკითხს; გაიმართა სოფლის განვითარების სააგენტოს ინსტიტუციური რეფორმისა (2021-2023 წწ.) და განახლებული სამოქმედო გეგმების მიმდინარეობის ანგარიშის, ასევე, ლაბორატორიული სტრატეგიის პროექტის პრეზენტაციები.

ENPARD-ის მმართველი კომიტეტის სხდომაზე მონაწილეებმა განიხილეს: ქალთა გაძლიერების მიზნით დაგეგმილი აქტივობები; სოფლებში სერვისების (მათ შორის მოწყვლადი ჯგუფებისთვის) გაუმჯობესების მიზნით, იუსტიციის სახლთან თანამშრომლობით დაგეგმილი ღონისძიებები; სურსათის კონტროლის სისტემის შეფასების საკითხები.

ENPARD-ის მმართველი კომიტეტის სხდომას გარემოს დაცვისა და სოფლის მეურნეობის მინისტრის მოადგილე თენგიზ ნასარიძე, სამინისტროსა და მის სისტემაში შემავალი შესაბამისი უწყებების ხელმძღვანელები, ევროკავშირის წარმომადგენლობის, გაეროს სურსათისა და სოფლის მეურნეობის ორგანიზაციის (FAO), გაეროს განვითარების პროგრამის (UNDP) და ჩეხეთის განვითარების სააგენტოს (CzDA) წარმომადგენლები ესწრებოდნენ.

ავტორი: NS (სტატია დაფინანსებულია),

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა