რუსეთთან ომში უკრაინის გამარჯვებით იმარჯვებენ მთელი რიგი ქვეყნები - საქართველო, მოლდოვა, ბელარუსი, კავკასიისა და ბალტიის ქვეყნები,- აღნიშნულის შესახებ უკრაინის პრეზიდენტმა, ვოლოდიმირ ზელენსკიმ უკრაინის უმაღლეს რადაში კონსტიტუციის დღესთან დაკავშირებით სიტყვით გამოსვლისას განაცხადა.

ზელენsკის თქმით, უკრაინის ნატოში გაწევრიანება მსოფლიოსთვის ძლიერი სიგნალი იქნება.

"უკრაინის ნატოში გაწევრიანება იქნება ძლიერი სიგნალი მსოფლიოსთვის, რომ ეს არის ალიანსი, რომელიც იცავს და ალიანსი, რომელსაც აქვს გამარჯვების გამოცდილება და მორალური უპირატესობა. ამის რეალობად ქცევისთვის საჭიროა, რომ ჩვენმა პარტნიორებმა ალიანსიდან საკუთარი გადაწყვეტილებების მიღებისას კრემლისკენ გახედვა შეწყვიტონ",- განაცხადა ზელენსკიმ.

ზელენსკის თქმითვე, უკრაინა არასდროს დათანხმდება გაყინული კონფლიქტის არც ერთ ვარიანტს

"ომი, რომელიც გარდაუვლად გაღვივდება და კითხვა მდგომარეობს მხოლოდ იმაში, როდის მოხდება ეს, რამდენ სიცოცხლეს შეიწირავს. სწორედ ამიტომ უკრაინის მშვიდობის ფორმულას უნივერსალური სარგებელი გააჩნია: უკრაინა არასდროს დათანხმდება გაყინული კონფლიქტის არც ერთ ვარიანტს“,- განაცხადა ზელენსკიმ.

გარდა ამისა, ზელენსკიმ ასევე აღნიშნა, რომ ნატო უკრაინის უსაფრთხოების გარანტიას გასცემს, ხოლო უკრაინის თავდაცვისა და უსაფრთხოების ძალები ნატოს სხვა წევრების უსაფრთხოებასა და დაცვას უზრუნველყოფენ.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა