სამეცნიერო-კვლევითი ცენტრის დირექტორი ლევან უჯმაჯურიძე და მევენახეობა-მეღვინეობის კვლევის სამსახურის უფროსი დავით ჩიჩუა, დიდი ბრიტანეთის ღვინის პროფესიონალებს, იმპორტიორებსა და ღვინის თემაზე მომუშავე ჟურნალისტებს შეხვდნენ. აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

მათი ცნობით, ღვინის პროფესიონალებმა სოფლის მეურნეობის სამეცნიერო-კვლევითი ცენტრის ჯიღაურას მრავალწლოვანი კულტურების საცდელ-სადემონსტრაციო ბაზაზე  გაშენებული ამპელოგრაფიული კოლექცია დაათვალიერეს, საქართველოს მევენახეობა-მეღვინეობის ისტორიასა და ღვინის კულტურას გაეცნენ.

დელეგაციას, "Swirl Wine Group"- ის დირექტორი, ღვინის მაგისტრი სარა ებოტი ხელმძღვანელობდა,  რომელმაც სხვა სტუმრებთან ერთად ცენტრის ბაზაზე გაშენებული იშვიათი ვაზის ჯიშებისგან დაყენებული ღვინოები დააგემოვნა.

"ღვინოები მართლაც შთამბეჭდავი იყო, მიხარია, რომ საქართველოში ღვინის ხარისხი მუდმივად უმჯობესდება. ჩვენს სტუმრებს, შესაძლებლობა ჰქონდათ ქართული ღვინის მრავალფეროვნება გაეცნოთ. ძალიან მნიშვნელოვანია საქმე, რომელსაც სამეცნიერო-კვლევითი ცენტრი ემსახურება და გვაძლევს შესაძლებლობას გაგვაცნოს სრულიად უცხო ჯიშებისგან დაყენებული ღვინოები. რქაწითელის და საფერავის მიღმა ადგილობრივი ჯიშების უზარმაზარი სიმდიდრეა საქართველოში" - განაცხადა სარა ებოტმა.

აღსანიშნავია, რომ ჯიღაურას საკოლექციო ნარგაობაში დაცულია ვაზის 350 უცხოური და 437 ქართული ჯიში, მათ შორის ქართული ვაზის უნიკალური და იშვიათი ჯიშების კოლექცია, რომლის მოძიება და აღდგენა ხანგრძლივი დროის განმავლობაში მიმდინარეობდა. სოფლის მეურნეობის სამეცნიერო-კვლევითი ცენტრი ვაზის ჯიშების აღდგენის პარალელურად, იშვიათი ვაზის ჯიშებისგან ღვინოების დაყენებას და მათზე კვლევას ახორციელებს.

ავტორი: NS (სტატია დაფინანსებულია),

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა