არავინ აპირებს პრეზიდენტის, ФСБ-ს ან კიდევ ვიღაცის მოთხოვნაზე ჩაბარდეს, რადგან არ გვსურს რომ ქვეყანა კვლავ ბიუროკრატიაში, ტყუილსა და კორუფციაში ცხოვრობდეს,- ამის შესახებ რუსული კერძო სამხედრო დაჯგუფების, „ვაგნერის“ ხელმძღვანელმა, ევგენი პრიგოჟინმა განაცხადა.

პრიგოჟინის თქმით, "სამშობლოს ღალატთან დაკავშირებით, პრეზიდენტი [ვლადიმერ პუტინი] ძალიან შეცდა".

"სამშობლოს ღალატთან დაკავშირებით, პრეზიდენტი ძალიან შეცდა. ჩვენ ჩვენი ქვეყნის პატრიოტები ვართ. ვიბრძოდით და ვიბრძოლებთ. "ვაგნერის" ყველა წევრი. ამიტომ არავინ აპირებს პრეზიდენტის, ФСБ-ს ან კიდევ ვიღაცის მოთხოვნაზე ჩაბარდეს, რადგან არ გვსურს რომ ქვეყანა კვლავ ბიუროკრატიაში, ტყუილსა და კორუფციაში ცხოვრობდეს.

როდესაც აფრიკაში ვიბრძოდით, გვეუბნებოდნენ, რომ ჩვენ აფრიკა გვჭირდებოდა, შემდეგ ის მიაგდეს, რადგან მოიპარეს მთელი ფული, რომელიც დასახმარებლად უნდა წასულიყო. როცა გვეუბნებოდნენ, რომ საჭირო იყო უკრაინასთან ომი, მივდიოდით და ვიბრძოდით. მაგრამ გაირკვა, რომ მთელი საბრძოლო მასალა, შეიარაღება, მთელი ფული, რაც მათთვის არის მინდობილი, ასევე იძარცვება. ჩინოვნიკები კი სხედან, იზოგავენ საკუთარი თავისთვის, სწორედ იმ შემთხვევისთვის, რაც დღეს მოხდა, როცა ვიღაც მოსკოვისკენ მიდის.

ახლა ისინი არაფრის ეკონომიას არ წევენ, გვირტყამენ თვითმფრინავებითა და ვერტმფრენებით. კოლონებზე, სადაც მშვიდობიანები მიდიან. შედეგად არტყამენ მშვიდობიანებს, რადგან მიზანს ვერ ახვედრებენ და სადაც ჩამოვარდება, იქ მიაქვთ იერიშები. ამიტომ ჩვენ პატრიოტები ვართ, ისინი კი ვინც დღეს წინააღმდეგობას გვიწევს, არიან ისინი, ვინც ნაძირლების გარშემო შეიკრიბნენ.",- წერს პრიგოჟინი.

შეგახსენებთ, რომ გუშინ 23 ივნისს, რუსული კერძო სამხედრო დაჯგუფების, „ვაგნერის“ ხელმძღვანელმა, ევგენი პრიგოჟინმა რუსეთის თავდაცვის სამინისტრო ვაგნერის ბანაკებზე სარაკეტო თავდასხმაში დაადანაშაულა. 

როგორც პრიგოჟინმა აღნიშნა, რუსეთის მხრიდან განხორციელებული სარაკეტო თავდასხმების შედეგად "ვაგნერის" რიგები ბევრი მსხვერპლია და საპასუხო ზომებზე გადაწყვეტილება უკვე მიღებულია.

ამასთან, მოგვიანებით პრიგოჟინმა გაავრცელა ვიდეომიმართვა, სადაც განაცხადა, რომ როსტოვის სამხედრო ობიექტები, მათ შორის აეროდრომი „ვაგნერის" კონტროლის ქვეშაა.

აღნიშნულს გამოეხმაურა რუსეთის პრეზიდენტი ვლადიმერ პუტინი და განაცხადა, რომ პრიგოჟინის ქმედებები ღალატის ტოლფასია და მოსკოვის ამაზე მკაცრი რეაგირება ექნება.

ავტორი: ექსპრესნიუსი,

სოციალური ქსელები

მეფე ჩარლზი აშშ-ის კონგრესისადმი: უკრაინის მხარდაჭერის ურყევი ვალდებულებაა საჭირო

საქართველო და სომხეთი 2029 წელს FIFA-ს U20 მსოფლიო ჩემპიონატს უმასპინძლებენ

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა