აჭარის განათლების მინისტრმა და ქედის მერმა ინკლუზიური განათლების ცენტრი მოინახულეს

2023-06-20 11:12:10, 1465 ნახვა

რეგიონი

ქედის საჯარო სკოლაში ინკლუზიური განათლების ცენტრი მოინახულა აჭარის განათლების, კულტურისა და სპორტის მინისტრმა მაია ხაჯიშვილმა, ქედის მუნიციპალიტეტის მერმა როლანდ ბერიძემ, ნორვეგიის ელჩის მოვალეობის შემსრულებელთან საქართველოსა და სომხეთში მარკო სოლდიჩისთან და საქართველოში გაეროს ბავშვთა ფონდის წარმომადგენლის მოვალეობის შემსრულებელთან ემი ქლენსისთან ერთად.

ქედის მუნიციპალიტეტის მერიის ცნობით, პროექტის ფარგლებში დაბა ქედის საჯარო სკოლაში განხორციელდა ინკლუზიური განათლების ცენტრების ინფრასტრუქტურის რეაბილიტაცია და აღჭურვა, რაც მოიცავს საგანმანათლებლო და სახელოვნებო-შემეცნებითი სექციების მოწყობას.

მერიის ინფორმაციით, ვახტანგ პაპუნიძის სახელობის დაბა ქედის საჯარო სკოლაში ინკლუზიური განათლების ცენტრში 2023 წლის მაისის და ივნისის თვეებში მიმდინარეობს საგანმანათლებლო და სახელოვნებო- შემეცნებითი სერვისების პილოტირება. ამ ეტაპზე ქედის საჯარო სკოლის ინკლუზიური განათლების ცენტრში დარეგისტრირებულია 14 სსსმ მოსწავლე. ინკლუზიური განათლების ცენტრი სრული დატვირთვით მუშაობას 2023 წლის სექტემბრიდან დაიწყებს.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),