ამერიკის შეერთებული შტატების სახელმწიფო მდივნის, ენტონი ბლინკენის განცხადებით, ჩინეთმა დაარწმუნა აშშ, რომ პეკინს არ გაუგზავნია და არ აპირებს გაუგზავნოს რუსეთის ფედერაციას ლეტალური იარაღი.

ბლინკენის თქმით, ამას, შესაძლოა, კერძო ჩინური კომპანიები აკეთებდნენ.

სახელმწიფო მდივანი მოუწოდებს სახალხო რესპუბლიკის მთავრობას, "იყოს ფხიზლად აღნიშნულ საკითხთან დაკავშირებით".

"ჩვენ მუდმივად შეშფოთებული ვართ ჩინურ კომპანიებთან დაკავშირებით, რომლებიც შესაძლოა, აწვდიდნენ ტექნოლოგიას, რომელიც რუსეთს შეუძლია გამოიყენოს უკრაინაში თავისი აგრესიის წინსვლისთვის. ამიტომ, ჩვენ ვთხოვთ ჩინეთის მთავრობას, რომ იყოს ძალიან ფხიზლად ამ საკითხთან დაკავშირებით",- განაცხადა ენტონი ბლინკენმა.

შეგახსენებთ, გუშინ, 18 ივნისს აშშ-ის სახელმწიფო მდივანი ენტონი ბლინკენი პეკინში  ჩავიდა.

ვიზიტის ფარგლებში ბლინკენი სახალხო რესპუბლიკის ლიდერს, სი ძინპინსა და საგარეო საქმეთა მინისტრს, ცინ განგს შეხვდა.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს