უკრაინამ რუსეთში იძულებით დეპორტირებული 373 ბავშვი დაიბრუნა,- აღნიშნულის შესახებ ბავშვთა უფლებებისა და ბავშვთა რეაბილიტაციის საკითხებში უკრაინის პრეზიდენტის მრჩევლმა, დარია გერასიმჩუკმა Interfax-Ukraine-სთან ინტერვიუში განაცხადა.

მისი თქმით, ამ დროისთვის არსებული ინფორმაციით, რუსეთში იძულებით დეპორტირებული 19 499 ბავშვია, თუმცა მათი რეალური რაოდენობა, შესაძლოა, 200-300 ათასს აღწევდეს.

„ჩვენი გაანგარიშებით, საუბარი შეიძლება იყოს 200-300 ათას ბავშვზე, რომელთა გამოყენებაც მათ შეეძლოთ. რატომ არ ვასახელებთ ზუსტ ციფრს? უპირველეს ყოვლისა, ტერიტორიები ოკუპირებულია. არ არის ზუსტი ინფორმაცია იმის შესახებ, რა შეემთხვათ ბავშვებს. მხოლოდ დასახლებული პუნქტის დეოკუპაციის შემდეგ შეგვიძლია, გვქონდეს ზუსტი ცნობები - არის თუ არა იქ ოჯახი ამა თუ იმ ბავშვით. თუ არ არის, ვიწყებთ ძებნას. 

ძებნა იწყება მას შემდეგ, რაც  ინფორმაციის შინაგან საქმეთა სამინისტროში, ეროვნულ პოლიციაში, უშიშროების სამსახურში, გენერალურ პროკურატურაში ვამოწმებთ. დეტალური გადამოწმების შემდეგ ინფორმაცია შედის რეესტრში - ეროვნული საინფორმაციო ბიუროში.

ამრიგად, რაც შეეხება 19 499 ბავშვს, გავქვს თითოეულის პერსონალური მონაცემები, ჩვენ ვიცით, ვინ არიან ეს ბავშვები და საიდან გაიტაცეს. თუმცა ეს არ ნიშნავს იმას, რომ ვიცით სად არიან“,- განაცხადა გერასიმჩუკმა.

ავტორი: ექსპრესნიუსი,

სოციალური ქსელები

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა

WSJ: აშშ-სა და ისრაელის დაბომბვებმა ირანს ბირთვული ბომბის შექმნის შესაძლებლობა არ წაართვა