გარემოს დაცვისა და სოფლის მეურნეობის მინისტრმა ოთარ შამუგიამ, გაეროს სურსათისა და სოფლის მეურნეობის ორგანიზაციის (FAO) წარმომადგენელთან საქართველოში რაიმუნდ იელესთან გამართულ ონლაინ შეხვედრაზე, სოფლის მეურნეობისა და სოფლის განვითარების ევროპის სამეზობლო პროგრამის (ENPARD) მეოთხე ფაზაში განსახორციელებელი პროგრამების დეტალები განიხილეს. აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

მათი ცნობით, ENPARD IV-ის ფარგლებში განსახორციელებელი პროგრამები ოთხი მხარდამჭერი პაკეტისგან შედგება და სურსათის უვნებლობის, აკვაკულტურისა და თხილის სექტორის განვითარების მიმართულებებს მოიცავს. მხარდამჭერი პროგრამები მცირე და საშუალო ბიზნესოპერატორებისთვის არის განსაზღვრული და მასში გათვალისწინებულია, როგორც საგრანტო, ასევე სასწავლო კომპონენტები.

„პროგრამები, რომელიც ENPARD IV-ის ფარგლებში განხორციელდება, ჩვენი ფერმერებისთვის იქნება მნიშვნელოვანი დახმარება და სტიმული, რომ მიიღონ მეტი შედეგი და ცოდნა. ჩვენს მეწარმეებს სახელმწიფოს მხრიდან მნიშვნელოვანი მხარდაჭერა აქვთ, თუმცა საგრანტო პროგრამები, რომელიც საჭიროებებზეა მორგებული, უმნიშვნელოვანესია. მადლობა მინდა გადაგიხადოთ ასეთი კონსტრუქციული თანამშრომლობისათვის, რომელიც წლებია გვაქვს და მომავალშიც გაგრძელდება“, - განაცხადა ოთარ შამუგიამ.

ENPARD IV-ის ფარგლებში განსახორციელებელი პროგრამების განხილვას გარემოს დაცვისა და სოფლის მეურნეობის მინისტრის პირველი მოადგილე ნინო თანდილაშვილი, მოადგილეები თენგიზ ნასარიძე და კახა კაკაბაძე, სურსათის ეროვნული სააგენტოს თავმჯდომარე ზურაბ ჩეკურაშვილი, სოფლის განვითარების სააგენტოს ხელმძღვანელი დავით წითლიძე, სამინისტროს შესაბამისი უწყებების წარმომადგენლები, ENPARD-ის წარმომადგენლები ხავიერ სანს ალვარესი, მათიუ რუვიერი და ჯუბა მარუაშვილი ესწრებოდნენ.

ავტორი: NS (სტატია დაფინანსებულია),

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა