თბილისში ამოვარდნილმა ქარმა ხეები მოგლიჯა და ავტომობილები დააზიანა. როგორც "ექსპრესნიუსის" კორესპონდენტი იუწყება, ქარმა ხე სანზონაში მოგლიჯა და იქვე მდგარ მანქანას დაეცა.

ხე ასევე წაიქცა დიდ დიღომში და რამდენიმე ავტომობილი დააზიანა. თბილისში, გაგარინის მოედანზე სტიქიამ მშენებარე კორპუს სახურავი ახადა.

გაგარინის მოედანზე კი საუკუნოვანი ხე დაზიანდა, მას ტოტები ჩამოემტვრა.

სინოპტიკოსების პროგნოზით, 18 ივნისს, საქართველოს უმეტეს რაიონში მოსალოდნელია ხანმოკლე წვიმა, ზოგან ძლიერი, ელჭექი და ქარი, აღმოსავლეთ საქართველოში კი ზოგან სეტყვა.

გარემოს ეროვნულ სააგენტოში მოსახლეობას წყალმოვარდნებისა და მეწყრულ-ღვარცოფული პროცესების გააქტიურების რისკის შესახებ აფრთხილებენ. 

„მოსალოდნელმა ძლიერმა წვიმებმა საქართველოს პატარა მდინარეებზე შესაძლებელია წყალმოვარდნები, ხოლო ქვეყნის მთიან ზონებში მეწყრულ-ღვარცოფული პროცესების ჩასახვა - გააქტიურება გამოიწვიოს“, - აცხადებენ გარემოს ეროვნული სააგენტოში.

ავტორი: ექსპრესნიუსი,

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა