დროებით ოკუპირებული ცხინვალის ე.წ. სახელმწიფო უსაფრთხოების კომიტეტის (კგბ) ცნობით, მხოლოდ 2023 წლის მაისში ე.წ. საზღვრის სხვადასხვა მონაკვეთზე 49 "კანონდამრღვევი" დააკავეს.

მათი ცნობით, დაკავებულთაგან 10-მა ადამიანმა "სახელმწიფო საზღვარი", ხოლო 39-მა სასაზღვრო რეჟიმი დაარღვია.

"2023 წლის მაისში "სამხრეთ ოსეთის" რესპუბლიკის სახელმწიფო საზღვრის სხვადასხვა მონაკვეთზე სასაზღვრო ზონაში 49 "კანონდამრღვევი" დააკავეს, მათგან 10 - სახელმწიფო საზღვრის რეჟიმის დამრღვევი, 39 კი სასაზღვრო რეჟიმის.

"სამხრეთ ოსეთის" რესპუბლიკის კგბ-ს საზღვრის დაცვის სამსახური აცნობებს რესპუბლიკის მოქალაქეებს და სტუმრებს, რომლებიც რესპუბლიკაში ვიზიტს გეგმავს, საიდენტიფიკაციო დოკუმენტების ქონის (პასპორტის, ID ბარათის, მცირეწლოვნებისთვის დაბადების მოწმობის და უცხო ქვეყნის მოქალაქეებისთვის - საზღვრის კვეთის უფლების) აუცილებლობაზე",- აღნიშნულია განცხადებაში.

მათივე ცნობით, 18 უკანონოდ დაკავებული დაჯარიმდა, 3 ოკუპირებული რეგიონის ტერიტორიიდან "გააძევეს", 21 უკანონოდ დაკავებული სიტყვიერად გააფრთხილეს, ხოლო 2 ადამიანის წინააღმდეგ სისხლის სამართლის საქმე აღიძრა. 5 დაკავებულის შემთხვევაში დე ფაქტო უწყებას გადაწყვეტილება არ მიუღია.

ცნობისთვის, უკანონო დაკავების ბოლო ფაქტი, 7 ივნისს დაფიქსირდა. საოკუპაციო ძალების წარმომადგენლებმა საქართველოს მოქალაქე უკანონოდ ოკუპირებული ახალგორის მუნიციპალიტეტის სოფელ ახმაჯის მიმდებარედ დააკავეს.

ამასთან, დროებით ოკუპირებული ცხინვალის ე.წ სახელმწიფო უსაფრთხოების კომიტეტის (კგბ) ცნობით, მხოლოდ 2023 წლის მაისში ე.წ. საზღვრის სხვადასხვა მონაკვეთზე 45 "კანონდამრღვევი" დააკავეს

ავტორი: ექსპრესნიუსი,

სოციალური ქსელები

პაპუაშვილი ევროკავშირის ელჩ პაველ ჰერჩინსკის ღია წერილით მიმართავს

მეორე მსოფლიო ომის მონაწილეები ერთჯერადად 2 000 ლარს, ხოლო დაღუპულთა ოჯახების წევრები 1 000 ლარს მიიღებენ

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე