ევროპარლამენტმა მიიღო უკრაინის მხარდამჭერი რეზოლუცია, რომელშიც NATO-ს წევრებს მოუწოდებენ, დაიწყონ უკრაინის ალიანსში გაწევრიანების პროცესი ომის დასრულების შემდეგ. შესაბამისი რეზოლუცია ევროპარლამანეტის ვებგვერდზეა გამოქვეყნებული.

რეზოლუციას 425-მა დეპუტატმა დაუჭირა მხარი, 38-მა წინააღმდეგ მისცა ხმა, ხოლო 42-მა  თავი შეიკავა.

დოკუმენტის თანახმად, უკრაინის მიერ სრულუფლებიანი წევრობის მოპოვებამდე, ევროკავშირმა და მისმა წევრმა სახელმწიფოებმა, ასევე NATO-ელმა მოკავშირეებმა და ახლო პარტნიორებმა უკრაინასთან მჭიდრო თანამშრომლობით უნდა შექმნან უსაფრთხოების გარანტიების დროებითი მექანიზმი, რომელიც ომის დასრულებისთანავე უნდა ამოქმედდეს.

დოკუმენტის მიხედვითვე, ევროპარლამენტი ხაზს უსვამს, რომ უკრაინის ინტეგრაცია NATO-ში და ევროკავშირში გააძლიერებს რეგიონულ და გლობალურ უსაფრთხოებას. ასევე, გააძლიერებს კავშირებს უკრაინასა და ევროატლანტიკურ საზოგადოებას შორის.

აღსანიშნავია, რომ ევროპარლამენტი ასევე გმობს რუსეთის მიერ კახოვკის ჰიდროელექტროსადგურის კაშხლის განადგურებას და ამას სამხედრო დანაშაულად აფასებს, რომელმაც გარემოს უდიდესი ზიანი მიაყენა.

ევროპარლამენტარების თქმით, ამ და სხვა სამხედრო დანაშაულებისთვის პასუხისმგებელი პირები პასუხს აგებენ საერთაშორისო სამართლის შესაბამისად. 

ავტორი: ექსპრესნიუსი,

სოციალური ქსელები

ხმაური იყო მარნეულის სოფელ შულავერში გამართულ აქციაზე - ვიდეო

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი