რამდენიმე დღის წინ გაიმართა აქცია, რომელსაც დაარქვეს აღშფოთებული სტუდენტების აქცია და აღმოჩნდა, რომ ეს აღშფოთებული სტუდენტი იყო 36 წლის ერთ-ერთი „ნაცმოძრაობის“ განშტოების აქტივისტი წვიმიტიძე, - ამის შესახებ „ქართული ოცნების“ თავმჯდომარემ, ირაკლი კობახიძემ ჟურნალისტებთან განაცხადა.

ირაკლი კობახიძე ასევე გამოეხმაურა პრემიერ-მინისტრის ვიზიტის დროს ბრიუსელში გამართულ აქციას და აღნიშნა, რომ ეს ყველაფერი არის პარტიულად დაორგანიზებული აქციები და სამარცხვინოა, როდესაც არქმევენ აღშფოთებული სტუდენტების, შშმ პირების და ემიგრანტების აქციებს.

„36 წლის გირჩელის აქციას თსუ-ში დაარქვეს აღშფოთებული სტუდენტების აქცია, ეს ერთი. გუშინ აქ აქციას დაარქვეს შშმ პირების აქცია - სამარცხვინო. აღმოჩნდა, რომ ერთ-ერთი აქტივისტი იყო, რომელმაც ეს გააკეთა. რაც შეეხება ბრიუსელში გამართულ აქციას, აქაც აღმოჩნდა ერთ-ერთი ნაციონალი, ლგბტ აქტივისტი, რომელიც აქაც აქტიურობდა, იქ წასულა და იქაც აქტიურობს. რეალურად ყველაფერი არის პარტიულად დაორგანიზებული აქციები და ამას რომ არქმევენ აღშფოთებული სტუდენტების, შშმ პირების და ემიგრანტების აქციებს, ესაა სამარცხვინო. კეზერაშვილის ევროპელი პენსიონერებისგან მოპარული შავი ფულით ფინანსდება ასეთი მარტივი აქციები, ხან 3 კაციანი, ხან 2, ხან 7 და ხან შეიძლება 20 კაციანი, მაგრამ ეს ყველაფერი არის პარტიული კოორდინაცია. ამას ვერავინ დაარქმევს ვერც სტუდენტების, ვერც შშმ პირების და ვერც ემიგრანტების აქციას იმიტომ, რომ ეს არის სისხლიანი ფულით ორგანიზებული აქციები“, - განაცხადა ირაკლი კობახიძემ.

ავტორი: NS (სტატია დაფინანსებულია),

სოციალური ქსელები

პაპუაშვილი ევროკავშირის ელჩ პაველ ჰერჩინსკის ღია წერილით მიმართავს

მეორე მსოფლიო ომის მონაწილეები ერთჯერადად 2 000 ლარს, ხოლო დაღუპულთა ოჯახების წევრები 1 000 ლარს მიიღებენ

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე