90 წლის პოზნერი არც ოკუპანტია და საერთოდ არაფერს არ წარმოადგენს, მისი კვერცხებით დევნა ღირსების მაჩვენებელი არ არის,- ამის შესახებ პარლამენტის თავმჯდომარის პირველმა მოადგილემ, გიორგი ვოლსკიმ განაცხადა.

როგორც ვოლსკიმ მედიის წარმომადგენლებთნ საუბრისას აღნიშნა, რაზე ესაუბრება პრემიერის სპეციალური წარმომადგენელი ზურაბ აბაშიძე ვლადიმერ პოზნერს, მეოცეხარისხოვანია.

"90 წლის პოზნერი არც ოკუპანტია და საერთოდ არაფერს არ წარმოადგენს, მის მიმართ მე პირადად ნეგატიური დამოკიდებულება მაქვს, მაგრამ ფაქტია, რომ 90 წლის კაცის და მასთან თანმხლები ბევრი ქართველის ყოფნის მიუხედავად, კვერცხებით დევნა, არ არის იმ ღირსების მაჩვენებელი, რომელიც ჩვენს ერსა და ნაციას გააჩნია ზოგადად. რაც შეეხება რუსეთის ინტერესებს, რუსეთის ფედერაციის ძალიან ბევრი ინტერესი გატარებული გატარებული აქვს "ნაცმოძრაობას" თავისი ტელევიზიებით და დღესაც ზუსტად იმ პოლიტიკას ატარებს, რაც მოსკოვს უნდა. ასე რომ, რა კომენტარი ჰქონდა ზურაბ აბაშიძეს 90 წლის პოზნერთან, ეს უკვე მეოცეხრისხოვანია",- ამბობს ვოლსკი.

ცნობისთვის, გუშინ, 14 ივნისს "კიბერ კმარამ" გაავრცელა აუდიოჩანაწერი, რომელიც სავარაუდოდ, პრემიერის სპეციალური წარმომადგენლის, ზურაბ აბაშიძისა და ჩაიკოვსკის საქველმოქმედო ფონდის პრეზიდენტის, მარკ ზილბერკვიტის სატელეფონო საუბარს ასახავს. აღსანიშნავია, რომ ზილბერკვიტი ვლადიმერ პოზნერს თბილისში ახლდა. ჩანაწერის მიხედვით, აბაშიძე ადამიანებს, რომლებმაც პოზნერის თბილისში ვიზიტი გააპროტესტეს, "ზონდერებსა" და "პროვოკატორებს"უწოდებს.

ავტორი: ექსპრესნიუსი,

სოციალური ქსელები

პაპუაშვილი ევროკავშირის ელჩ პაველ ჰერჩინსკის ღია წერილით მიმართავს

მეორე მსოფლიო ომის მონაწილეები ერთჯერადად 2 000 ლარს, ხოლო დაღუპულთა ოჯახების წევრები 1 000 ლარს მიიღებენ

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე