აშშ უკრაინას ახალ, 325 მილიონი დოლარის ღირებულების სამხედრო დახმარების პაკეტს გადასცემს. ამის შესახებ ამერიკის შეერთებული შტატების სახელმწიფო დეპარტამენტმა განაცხადა.

ახალ პაკეტში შედის:

• დამატებითი საბრძოლო მასალა NASAMS-ის მობილური საზენიტო სარაკეტო სისტემებისთვის;
• საზენიტო სისტემები Stinger;
• დამატებითი საბრძოლო მასალა HIMARS-ის მრავალჯერადი სარაკეტო სისტემებისთვის;
• საბრძოლო მასალა 155 მმ და 105 მმ;
• 15 ბრედლის საბრძოლო მანქანა;
• 10 სტრაიკერის ჯავშანტრანსპორტიორი;
• Javelin ტანკსაწინააღმდეგო სისტემები;
• TOW ტანკსაწინააღმდეგო რაკეტები;
• ტანკსაწინააღმდეგო სისტემები AT-4;
• 22 მილიონზე მეტი მცირე ზომის იარაღი და ყუმბარის ვაზნა;
• ასაფეთქებელი საბრძოლო მასალა დაბრკოლებების დასაძლევად;
• ტაქტიკური უსაფრთხო კომუნიკაციების უზრუნველყოფის საშუალებები;
• სათადარიგო ნაწილები და სხვა საველე აღჭურვილობა.

რუსეთის შემოჭრის დაწყების შემდეგ უკრაინას ამერიკული დახმარების მთლიანმა მოცულობამ დაახლოებით 40 მილიარდი დოლარი შეადგინა, აღნიშნავს Reuters.

"რუსეთმა დაიწყო ეს არაპროვოცირებული ომი უკრაინის წინააღმდეგ. რუსეთს შეუძლია, ნებისმიერ დროს დაასრულოს ის, შეაჩეროს სასტიკი თავდასხმები უკრაინის ქალაქებსა და ხალხზე, ვიდრე რუსეთი ამას არ გააკეთებს, აშშ და ჩვენი მოკავშირე პარტნიორები უკრაინასთან ერთად იქნებიან იმდენ ხანს, რამდენიც მას დასჭირდება", - აღნიშნულია სახ.დეპის განცხადებაში. 

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს