რუსეთის პრეზიდენტმა, ვლადიმერ პუტინმა უკრაინასთან აზოვისა ზღვისა და ქერჩის სრუტის გამოყენების შესახებ შეთანხმების გაუქმებას ხელი მოაწერა. შესაბამისი დოკუმენტი სამართლებრივი ინფორმაციის ოფიციალურ პორტალზეა გამოქვეყნებული და კანონი ძალაში გამოქვეყნების დღიდან შედის. 

დოკუმენტის თანახმად, კიევსა და მოსკოვს შორის ხელმოწერილმა შეთანხმებამ აქტუალობა დაკარგა მას შემდეგ, რაც რუსეთმა დონეცკის, ზაპოროჟიესა და ხერსონის ოლქების ანექსია მოახდინა.

"ვინაიდან ამ აკვატორიებთან მიმართებაში უკრაინამ დაკარგა მოსაზღვრე (სანაპირო) სახელმწიფოს სტატუსი, დღის წესრიგში დადგა აღნიშნული ხელშეკრულების შეწყვეტის საკითხი.

რუსეთის შემადგენლობაში დონეცკის სახალხო რესპუბლიკის, ზაპოროჟიეს და ხერსონის ოლქების მიღების შემდეგ, აზოვის ზღვის და ქერჩის სრუტის სანაპირო ეკუთვნის მხოლოდ რუსეთს",- აღნიშნულია დოკუმენტში.

შეგახსენებთ, რომ შეთანხმებას, რომელიც აზოვის ზღვისა და ქერჩის სრუტის სტატუსს განსაზღვრავდა 2003 წელს რუსეთის პრეზიდენტ ვლადიმირ პუტინსა და უკრაინის მეორე პრეზიდენტ ლეონიდ კუჩმას შორის გაფორმდა, ადგენდა, რომ აზოვის ზღვა და ქერჩის სრუტე რუსეთისა და უკრაინის შიდა წყლებია.

შეთანხმება ასევე განსაზღვრავდა აზოვის ზღვაში სახელმწიფო საზღვარს და აღნიშნულ აკვატორიაში გემების მიმოსვლას, თუმცა აღნიშნული შეთანხმება უკრაინამ 2023 წლის თებერვალში გააუქმა.

ავტორი: ექსპრესნიუსი,

სოციალური ქსელები

ხმაური იყო მარნეულის სოფელ შულავერში გამართულ აქციაზე - ვიდეო

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი