პრორუსი პოლიტიკოსი, მოლდოვის ყოფილი პრეზიდენტი იგორ დოდონი მიიჩნევს, რომ მისი ქვეყნის ხელმძღვანელობამ საქართველოს მაგალითს უნდა მიბაძოს, რომელმაც უარი თქვა რუსეთთან ურთიერთობის გაწყვეტაზე.  - TASS-ის ცნობით, ამის შესახებ დოდონმა ტელეარხის ექსკლუზივის ეთერში განაცხადა.

„ხელისუფლება უნდა შეთანხმდეს რუსეთში თავისუფალ ექსპორტზე და იმ პირობებში, როცა დასავლეთმა რუსეთის ფედერაციას სანქციები დაუწესა, სცადონ ჩვენი საქონლის მიწოდება იქაც და იქაც, როგორც ამას აკეთებს საქართველო. ეს გამოიწვევს ჩვენი ეკონომიკის ზრდას.

ხელისუფლების განცხადებები, რომ დსთ-სთან შეთანხმებები უნდა გაუქმდეს, რადგან ისინი ეწინააღმდეგება ევროკავშირში ინტეგრაციის კურსს, სიცრუეა. განცხადებები, რომ ეს ხელშეკრულებები უნდა გაუქმდეს, რადგან არ მუშაობს, კიდევ უფრო დიდი ტყუილია. დსთ-სთან ხელშეკრულებების გაუქმება დამატებითი მძიმე, შესაძლოა, საბედისწერო დარტყმაც იქნება მოლდოვის ეკონომიკისთვის, სოფლის მეურნეობისა და მრეწველობისთვის. თუ ეს ბაზარი არ არსებობს, რა ვუყოთ ჩვენს საქონელს? ევროპა მათ არ იყიდის“, - განაცხადა დოდონმა.

მან ასევე სიცრუე უწოდა მოლდოვის ხელმძღვანელობის დაპირებებს 2030 წლისთვის ქვეყნის ევროკავშირში გაწევრიანების შესახებ.

„მოქალაქეების მოტყუება არ არის საჭირო. მოლდოვა ევროკავშირის წევრი არ გახდება. საკმარისია საკუთარი პრობლემები და ქვეყნები, რომლებიც რიგს ელოდებათ გაწევრიანების მიზნით“, - თქვა მან.

დოდონი კომუნისტების პარტიიდან მოლდოვის პრეზიდენტად აირჩიეს და ეს პოსტი 2016-2020 წლებში ეკავა. ის ცოტა ხნის წინ ოპოზიციური სოციალისტური პარტიის ხელმძღვანელობას დაუბრუნდა.
დოდონს ბრალი ედება პასიურ კორუფციაში, კრიმინალური ორგანიზაციისგან დაფინანსების მოპოვებაში, უკანონო გამდიდრებასა და ღალატში. კერძოდ, გამოძიება თვლის, რომ მან 2019 წელს ქრთამი მიიღო მოლდოველი ოლიგარქისგან ვლადიმერ პლაჰოტნიუკისგან. ფარული კამერით გადაღებულ ვიდეოში პლაჰოტნიუკი ცდილობდა დოდონს, მაშინდელ პრეზიდენტს, შავი პაკეტი გადაეცა. დოდონი მას არ შეხებია, მაგრამ თქვა "ისევ ჩანთით ხარ" და სთხოვა გადაეცა რომელიმე "კოსტიას".
როგორც პრეზიდენტი, დოდონი არაერთხელ ეწვია მოსკოვს და ასევე იმყოფებოდა წითელ მოედანზე გამარჯვების აღლუმზე.

ავტორი: ექსპრესნიუსი,

სოციალური ქსელები

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა