დღეს მოდაში და „პრადვინუტობად“ ითვლება ჩვენი ჩრდილოელი მეზობლის გინება, სინამდვილეში, ეს არის ძალიან ცუდი და არასწორი საქციელია,- ამის შესახებ სხალთელმა მთავარეპისკოპოსმა, სპირიდონმა ქადაგებისას განაცხადა.

მეუფე სპირიდონმა რუსეთთან პირდაპირი ფრენების აღდგენაზეც ისაუბრა და განაცხადა, რომ რუსეთი მართლმადიდებელი ქვეყანაა და "მასთან კარგი ურთიერთობა უნდა გვქონდეს".

„დღეს მოდაში არის, პრადვინუტობად ითვლება ჩვენი ჩრდილოელი მეზობლის გინება. სინამდვილეში, ეს არის ძალიან ცუდი საქციელი, ეს არ არის სწორი.

ახლა გაიხსნა ფრენები, უვიზო მიმოსვლა გაიხსნა, მე, მაგალითად, ძალიან მიხარია იმიტომ, რომ მართლმადიდებელი ქვეყანაა რუსეთი და მინდა, რომ მასთან იყოს ძალიან კარგი ურთიერთობა, ჩვენ ერთმანეთს უნდა დავეხმაროთ, ძალიან უნდა დავეხმაროთ. ეს იმას კი არ ნიშნავს, რომ რუსეთის იმედი გვქონდეს...“,- განაცხადა მეუფე სპირიდონმა.

შეგახსენებთ, მიმდინარე წლის 10 მაისს, რუსეთის პრეზიდენტმა, ვლადიმერ პუტინმა 2019 წლის 21 ივნისს საქართველოსთან პირდაპირი ფრენების შეწყვეტის შესახებ გაცემული ბრძანება გააუქმა. საქართველოს მოქალაქეებისთვის ასევე გაუქმდა სავიზო რეჟიმი. გადაწყვეტილება ძალაში 2023 წლის 15 მაისიდან შევიდა. კიდევ ერთი გადაწყვეტილება, რომლის შესახებაც რუსეთმა გამოაცხადა, „საქართველოში მოგზაურობისგან თავის შეკავების რეკომენდაციის“ გაუქმებას გულისხმობდა.

პირდაპირი ფრენების აღდგენის გადაწყვეტილებიდან ხუთ დღეში, საქართველოს სამოქალაქო ავიაციის სააგენტომ პირდაპირი რეისების განსახორციელებლად პირველი ნებართვაც გასცა. 15 მაისს, ფრენების შესრულების ნებართვა რუსულმა ავიაკომპანია Azimuth Airlines-მა 17 მაისიდან, კვირაში 7 სიხშირით მიიღო. 19 მაისს, შოთა რუსთაველის თბილისის საერთაშორისო აეროპორტში რუსული ავიაკომპანია Azimuth Airlines-ის კუთვნილი თვითმფრინავი დაეშვა. 

აღსანიშნავია, რომ სამოქალაქო ავიაციის სააგენტომ, რომელიც ირწმუნება, რომ Azimuth Airlines-ი ევროკავშირის შავ სიაში არ იმყოფება, რუსეთ-საქართველოს შორის პირდაპირი რეისების შესასრულებლად, 16 მაისს თბილისი-მოსკოვი-თბილისის მიმართულებით რეგულარული ოპერირების განხორციელებისთვის ავიაკომპანია Georgian Airways-სთვის კიდევ ერთი ნებართვა გასცა.

19 მაისს სამოქალაქო ავიაციის სააგენტომ გაავრცელა ინფორმაცია, რომლის მიხედვითაც, ივნისიდან სოჭი-თბილისი-სოჭის და მოსკოვი-ქუთაისი-მოსკოვის საჰაერო ხაზებზე ოპერირებას ავიაკომპანია Red Wings-იც დაიწყებს.

ავტორი: ექსპრესნიუსი,

სოციალური ქსელები

უკრაინა მოსკოვში აღლუმის დასაცავად საჰაერო თავდაცვის გარეშე დარჩენილი რუსეთში ობიექტების დაბომბვისთვის ემზადება

ელენე ხოშტარია - რეალური ზეწოლის პირობებში ოცნება უკან იხევს

ამირან გამყრელიძე დიუშენის კუნთოვანი დისტროფიით დაავადებული ბავშვების მკურნალობასთან დაკავშირებით რეკომენდაციას ავრცელებს

კრიპტო უკვე საქართველოს ბანკის მობილბანკშია — დაიწყე ინვესტირება მსოფლიოში საუკეთესო ციფრული ბანკით