"ასოცირების დღის წესრიგი ინსტიტუციონალურად შსს-ს  დაყოფას საერთოდ არ ითვალისწინებს, ეს ჩვენი პოლიტკური ძალის წინასაარჩევნო დაპირებაა",-ამის შესახებ შინაგან საქმეთა მინისტრის მოადგილე ლევან იზორიამ სასტუმრო "რადისონში" ჟურნალისტებს განუცხადა, სადაც პროკურატურისა და შსს-ს  რეფორმის საკითხებზე  საზოგადოებრივი ფორუმი გაიმართა.
იზორიას თქმით, რეფორმის შედეგად, მყარი ინსტიტუტები უნდა ჩამოყალიბდეს.
"არსებობს ცალსახა პოლიტიკური ნება, რომელიც იქნა პრემიერის მიერ გაჟღერებული, რომ უნდა ჩატარდეს აუცილებლად სისტემური რეფორმები და ის წინასაარჩევნო დაპირება, რომელიც უკავშირდებოდა შსს-ს რესტრუქტურიზაციას, ანუ, ორ უწყებად ჩამოყალიბებას.ამაზე არაერთგზის ვაკეთებდით განცხადებას,რომ ამომრჩეველმა მოგვცა 4 წელი იმისათვის, რომ ჩვენი დაპირებები შევასრულოთ და ბუნებრივია, ამ დროში ჩვენ ჩვენს დანაპირებს შევასრულებთ.
საუბარია იმაზე, რომ მოხდეს მყარი ინსტიტუტების ჩამოყალიბება იმისთვის, რომ ერთმა უწყებამ განახორციელოს  ფუქნციები, რომელიც დაკავშირებულია სახელმწიფო უსაფრთხოებასთან, მეორე უწყებამ რომელიც იქნება სამოქალქო ხასიათის, განახორციელოს  პოლიციური და სხვა სამოქალაქო ფუნქციები. ამიტომ მთავარი პრინციპია, რომ   გაიმიჯნოს პოლიციური და უსაფრთხოების პრინციპები და ეს მოხდეს 2 ინსტიტუტის საფუძველზე, თუმცა ბევრი ევროპული ქვეყანა იცნობს ერთი სისტემის ფარგლებში ამ 2 დიდი ფუნქციის გამიჯვნასაც, მაგრამ  გამომდინარე იქედან,  რომ ეს საზოგადოების დაკვეთაა და ამ დაკვეთას  წინასაარჩევნო დანაპირების სახით ვაჟღერებდით, რომ აუცილებლად განვახორცილებდით, ვასრულებთ დანაპირებს და ამ 2 ფუქნციას ინსტიტუციონალურად გავმიჯნავთ.
რაც შეეხება ასოცირების დღის წესრიგს, რომელიც ითვალისწინებს გარკვეული მიმართულებებით რეფორმებს,  საერთოდ არ ითვალისწინებს ინსტიტუციონალურად შსს-ს დაყოფას.ეს უბრალოდ ჩვენ როგორც პოლიტიკურმა ძალამ  წინასარჩევნოდ განვაცხადეთ და შესაბამისად,  ამ პასუხისმგებლობას ვგრძნობთ და ვახორციელებთ, მაგრამ რა შეეხება საერთაშორისო ვალდებულებას, რაც შეეხება კონკრეტულად ასოცირების დღის წესრიგს,  მსგავსი ჩანაწერი შსს-ს დაყოფასთან დაკავშირებით არ არსებობს",-განაცხადა ლევან იზორიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა