რუსეთის პრეზიდენტმა, ვლადიმერ პუტინმა ხელი მოაწერა კანონს, რომელიც რეგიონებში, სადაც საომარი მდგომარეობა მოქმედებს, არჩევნებისა და რეფერენდუმების ჩატარების საშუალებას იძლევა,- აღნიშნულის შესახებ ინფორმაციას რუსული მედია ავრცელებს, განკარგულება კი შესაბამის პორტალზე გამოქვეყნდა.

მედიის ცნობით, აღნიშნულ რეგიონებში არჩევნების დანიშვნის შესახებ საბოლოო გადაწყვეტილებას ცესკო თავდაცვის სამინისტროსთან და უშიშროების ფედერალურ სამსახურთან კონსულტაციების შემდეგ მიიღებს.

მედიის ცნობითვე, მაისის შუა რიცხვებში სახელმწიფო სათათბიროს სახელმწიფო აღმშენებლობისა და კანონმდებლობის კომიტეტმა მიიღო ცვლილებები, რომლებიც ადგენს არჩევნების ჩატარების პროცედურას საომარი მდგომარეობის პირობებში.

"მანამდე კანონმდებლობით დადგენილი იყო, რომ ასეთ ტერიტორიებზე არ იმართებოდა რეფერენდუმი და სახელმწიფო ხელისუფლებისა და ადგილობრივი თვითმმართველობის ორგანოების არჩევნები. 

ახალი წესები განმარტავს, რომ ეს შეზღუდვა არ ვრცელდება იმ შემთხვევებზე, როდესაც არჩევნების ან რეფერენდუმის შესახებ გადაწყვეტილებას იღებს რუსეთის ფედერაციის ცესკო თავდაცვის სამინისტროსთან და FSB-სთან კონსულტაციების შემდეგ. ასეთ ვითარებაში არჩევნები და რეფერენდუმი შეიძლება ჩატარდეს მთელ ტერიტორიაზე, სადაც საომარი მდგომარეობაა შემოღებული',- წერს მედია.

შეგახსენებთ, რომ 2022 წლის 30 აგვისტოს, რუსეთის პრეზიდენტმა, ვლადიმირ პუტინმა უკრაინის ოთხი ოკუპირებული რეგიონის ლუგანსკის, დონეცკის, ზაპოროჟიესა და ხერსონის ანექსიის შესახებ განკარგულებას ხელი მოაწერა.

ავტორი: ექსპრესნიუსი,

სოციალური ქსელები

აშშ უკრაინას 500 პატრიოტის ტიპის რაკეტას გადასცემს.

რუსული ტანკერები აშშ-ისკენ მიემართებიან, თუმცა კომპანიები გამოძიების შიშით, უარს ამბობენ საწვავის შეძენაზე, თუნდაც ფასდაკლებით

ტრამპი: მე არ დამიწყია ომი ირანთან, მათ დაიწყეს ჩვენთან ომი

საქართველოს ბანკის YouTube პროექტის - CREATOR-ის მეორე სეზონი იწყება