26 მაისს, საქართველოს დამოუკიდებლობის დღესთან დაკავშირებით კასპში ფართომასშტაბიანი ღონისძიება გაიმართა. ამის შესახებ ინფორმაციას კასპის მუნიციპალიტეტის მერია ავრცელებს

კასპის მუნიციპალიტეტის ხელმძღვანელებმა, აფხაზეთის და სამაჩაბლოს ბრძოლის ვეტერანებმა, საზოგადოების წარმომადგენლებმა პატივი მიაგეს და გვირგვინით შეამკეს გენერალ გიორგი მაზნიაშვილის ბიუსტი და საქართველოს ტერიტორიული მთლიანობისათვის დაღუპულთა მემორიალი.

ომარ კელაპტრიშვილის სახელობის კულტურის ცენტრის წინ ადგილობრივი ძალებით გაიმართა კონცერტი, რომელშიც მონაწილეობდნენ ფოლკლორული, ქორეოგრაფიული და სიმღერის ანსამბლები, ინდივიდუალური შემსრულებლები.საზოგადოებას დამოუკიდებლობის დღე მიულოცეს კასპის მუნიციპალიტეტის მერმა ვახტანგ მაისურაძემ და სსიპ ვეტერანების საქმეთა სახელმწიფო სამსახურის წარმომადგენელმა კასპის მუნიციპალიტეტში, თადარიგის პოლკოვნიკმა ლავრენტი ბაიდაურმა.
ქალაქში, დამოუკიდებლობის დღეს სპორტული ღონისძიებებიც გაიმართა.

ავტორი: NS (სტატია დაფინანსებულია),

სოციალური ქსელები

უკრაინა ნიჟნი ნოვგოროდის ოლქში რუსეთის ერთ-ერთ უდიდეს ნავთობგადამამუშავებელ ქარხანას თავს დაესხა

ინდოეთის ოპოზიცია საარჩევნო კომისიის თავმჯდომარის წინააღმდეგ მარშით გამოდის

სოფელ ბერშუეთის მიმდებარედ რუსეთის საოკუპაციო ძალების მიერ უკანონოდ დაკავებული საქართველოს მოქალაქე თავისუფალია

პაპუაშვილი – ევროკავშირი და მისი საელჩო ძალადობის მხარდაჭერის ტესტში საკმარისზე მეტჯერ ჩაიჭრნენ