საქართველოს დამოუკიდებლობის დღესთან დაკავშირებული ერთიანი საზეიმო ღონისძიების ფარგლებში, გარემოს დაცვისა და სოფლის მეურნეობის სამინისტროს სოფლის განვითარების საააგენტო  მოქალაქეებს მცხეთაში, ცენტრალურ მოედანზე მასპინძლობს. აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, მცხეთის ცენტრალურ მოედანზე მოქალაქეებს შესაძლებლობა აქვთ გაეცნონ  ადგილობრივი მეწარმეების მიერ  წარმოებულ პროდუქციას.  მოწყობილია ქართული ღვინის სადეგუსტაციო კუთხე, ტარდება კულინარიული მასტერკლასი, რაც მოიცავს მცხეთა-მთიანეთის რეგიონის ადგილობრივი კერძების თანამედროვე ვერსიების მომზადებას. 

„ღონისძიების ფარგლებში, ბავშვებისათვის მოწყობილია შემეცნებითი სივრცე, ასევე იმართება ბასტი-ბუბუს კონცერტი და საბავშვო სპექტაკლი; გამოფენილია თავდაცვის ძალების სამხედრო ტექნიკა, შეიარაღება და აღჭურვილობა.

სამახსოვრო ფოტოების გადასაღებად, მოწყობილია ფოტოზონა და მცხეთა-მთიანეთის რეგიონში ქვეყნის მნიშვნელოვანი  თარიღების, ღირსშესანიშნაობების, ასევე აღნიშნულ რეგიონთან  დაკავშირებული ქართველი მწერლებისა და მხატვრების შესახებ  გამოფენა.

17:10 სთ-ზე,  საქართველოს დამოუკიდებლობის გამოცხადების ისტორიული დრო, საზეიმოდ აღინიშნება. დღის განმავლობაში, ადგილობრივი შემსრულებლების მონაწილეობით  გაიმართება კონცერტები.  

26 მაისის აღსანიშნავად, გარემოს დაცვისა და სოფლის მეურნეობის სამინისტრო ქ. მცხეთაში, ქ. ქუთაისსა და ქ. ოზურგეთში სხვადასხვა აქტივობით არის წარმოდგენილი“,- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

უკრაინა ნიჟნი ნოვგოროდის ოლქში რუსეთის ერთ-ერთ უდიდეს ნავთობგადამამუშავებელ ქარხანას თავს დაესხა

ინდოეთის ოპოზიცია საარჩევნო კომისიის თავმჯდომარის წინააღმდეგ მარშით გამოდის

სოფელ ბერშუეთის მიმდებარედ რუსეთის საოკუპაციო ძალების მიერ უკანონოდ დაკავებული საქართველოს მოქალაქე თავისუფალია

პაპუაშვილი – ევროკავშირი და მისი საელჩო ძალადობის მხარდაჭერის ტესტში საკმარისზე მეტჯერ ჩაიჭრნენ