2023-05-13 10:24:42, 877 ნახვა

---

პოლონური მედია - ევროკავშირის ელჩები რუსეთის წინააღმდეგ სანქციების მე-11 პაკეტზე ვერ შეთანხმდნენ

ევროკავშირის ელჩები რუსეთის წინააღმდეგ სანქციების მე-11 პაკეტზე ვერ შეთანხმდნენ,- აღნიშნულის შესახებ ინფორმაციას პოლონური მედია ევროკავშირში პოლონეთის ელჩის განცხადებაზე დაყრდნობით ავრცელებს.

ევროკავშირში პოლონეთის ელჩის, ანდჟეი სადოსის თქმით, რუსეთის ფედერაციის წინააღმდეგ სანქციების აღნიშნულ პაკეტში ბევრი საკითხი საკმაოდ კომპლექსურია და ღრმა ანალიზს საჭიროებს. 

„შექმნილ ვითარებაში ჩვენ ვერ ვხედავთ რუსული აგროსასურსათო პროდუქტების იმპორტის ნებართვის გაგრძელების გამართლებას“,- განაცხადა სიდოსმა.

ცნობისთვის, 9 მაისს ევროკომისიის პრეზიდენტმა, ურსულა ფონ დერ ლაიენმა კიევში ვიზიტისას  რუსეთის წინააღმდეგ დაწესებული სანქციების მე-11 პაკეტი წარადგინა.

მისი თქმით, ევროკავშირი აკეთებს ყველაფერს, რათა რუსეთის პრეზიდენტის, ვლადიმერ პუტინის ომის მანქანა და შემოსავლები ჩამოშალოს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი