პოლონეთის ქალაქ ზამოსტიეში ბიდგოშჩის მახლობლად, აპრილში ნაპოვნი საკრუიზო რაკეტა, ექსპერტიზის წინასწარი დასკვნით, რუსული აღმოჩნდა. - ამის შესახებ RMF FM იუწყება.

საჰაერო ძალების ტექნოლოგიური ინსტიტუტის დასკვნები მიუთითებს, რომ Kh-55 საკრუიზო რაკეტამ, სავარაუდოდ, გადაკვეთა საჰაერო სივრცე აღმოსავლეთ საზღვარზე. პოლონეთის არმიას ასეთი იარაღი არ აქვს. ეს უარყოფს ვერსიას, რომ პოლონურ ძალებს შეეძლოთ რაკეტის გაშვება წვრთნების დროს.

თუ აღმოჩენილი რომ რაკეტა ნამდვილად არის X-55, მაშინ ეს მიუთითებს ფაქტზე რის მიხედვითაც რაკეტა რუსული გამანადგურებლისგან იყო გასროლილი.
პოლონური მხარის მიერ რაკეტა 25 აპრილს იქნა ნაპოვნი, გდანსკის რაიონულმა პროკურატურამ, რომლის სამხედრო განყოფილება აწარმოებდა საქმეს, ამის შესახებ ინფორმაციის მიწოდება არ ისურვა. შემთხვევის ადგილი დალუქული და შემოსაზღვრული იყო. ტყის შესასვლელს სამხედრო პოლიცია იცავს.

შეგახსენებთ, რომ 2022 წლის ნოემბერში რაკეტები დაეცა უკრაინის მოსაზღვრე პოლონეთის რეგიონშიც. ეს მოხდა დაახლოებით იმავე დროს, როდესაც რუსეთმა მასიური სარაკეტო დარტყმა განახორციელა უკრაინის მასშტაბით. მტრის ცეცხლის ქვეშ მოექცა პოლონეთის მოსაზღვრე რეგიონებიც.

მაშინ უკრაინული მხარე დარწმუნებული იყო, რომ პოლონეთის მიწას, რომელიც ნატოს წევრია სწორედ რუსული რაკეტა დაეცა, მაგრამ ზოგიერთი ექსპერტი თვლიდა, რომ იგი შესაძლოა უკრაინული საჰაერო თავდაცვის რაკეტა ყოფილიყო.

ავტორი: ექსპრესნიუსი,

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები