„იური ვაზაგაშვილის მკვლელობა თავისი ფორმით, განხორციელების გზებით არაადამიანურობის მწვერვალია“, – ამის შესახებ პარლამენტის თავჯდომარე დავით უსუფაშვილმა ჟურნალისტებს განუცხადა. 

მისივე თქმით, თუ იური ვაზაგაშვილის მკვლელობისთვის დაკავებული პოლიციელის ბრალეულობა დადასტურდება, ეს ერთის მხრივ მნიშვნელოვანი საქმის გახსნა, მეორეს მხრივ კი, დიდი ეროვნული სირცხვილი იქნება.

პარლამენტის თავჯდომარის შეფასებით, მსგავსი რამ რომ აღარ განმეორდეს, დაუყოვნებლივ რეფორმაა საჭირო. 

„ბოლო კვირების განმავლობაში, მთავარი თემა, რომელზეც მოქალაქეები, ხელისუფლება, ყველა შოკირებულები ვართ. ეს იყო იური ვაზაგაშვილის მკვლელობა, რომელიც თავისი ფორმით, თავისი განხორციელების გზებით არის და იყო არა მხოლოდ დანაშაული, არამედ არაადამიანურობის მწვერვალი. როგორც გუშინ პროკურატურიდან გვამცნეს, დაკავებულია პიროვნება, რომელიც ბრალდებულია დანაშაულის ჩადენაში, თუ ეს ასეა, ერთის მხრივ ეს იქნება ძალიან მნიშვნელოვანი საქმის გახსნა, ამის გამო ვინც იღვაწა დიდი მადლობა ეკუთვნით, მაგრამ მეორეს მხრივ ეს არის ეროვნული სირცხვილი, როდესაც პოლიციის თანამშრომელი ნაცვლად იმისა, რომ ადამიანის უფლებებს იცავდეს, გეგმავს და ახორციელებს ასეთ საზარელ დანაშაულს. ეროვნული სირცხვილი, რომ აღარ განმეორდეს, ამისთვის დაუყოვნებლივ რეფორმაა საჭირო“, –   აღნიშნა დავით უსუფაშვილმა. 

ცნობისთვის, გუშინ პროკურატურამ იური ვაზაგაშვილის მკვლელობაში ბრალდებული, პოლიციის რიგითი თანამშრომელი გია სოსანაშვილი დააკავა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება