მომღერალი და ბლოგერი იაკუტიიდან, ვარია მაქსიმა, გეგმავს „საავტორო ტურის“ ჩატარებას საქართველოში სახელწოდებით „გამარჯობა, საქართველო“.

ამის შესახებ „ეხო კავკაზას“ იაკუტიის ომის საწინააღმდეგო აქტივისტმა, რუსული არმიის „დისკრედიტაციის“ სისხლის სამართლის საქმეში ბრალდებულმა აიხალ ამოსოვმა განუცხადა. მისი თქმით, ვარია მაქსიმა ცნობილია რუსეთის რეჟიმის პოლიტიკის მხარდაჭერით და უკრაინის ომის მხარდამჭერ კონცერტებში მონაწილეობით. კონცერტები საქველმოქმედო იყო, მათგან შემოსული მთელი შემოსავალი რუსული არმიის დაფინანსებას მოხმარდა, თქვა ამოსოვმა.

ის ვარაუდობს, რომ ქართველი მესაზღვრეები უარს არ იტყვიან მის ქვეყანაში შესვლაზე, მაგრამ ამოსოვი იმედოვნებს, რომ ქართველი აქტივისტები მომღერალს ტურის გამართვას შეუშლიან.

”ის არის ერთ-ერთი პროპაგანდისტი, სახას რესპუბლიკაში (იაკუტია) ეწეოდა პროპაგანდას, ასრულებდა ამ “Z-კონცერტებს” და მოუწოდებდა იაკუტის კაცებს ომში წასულიყვნენ”, - თქვა აქტივისტმა.

მომღერლის ინსტაგრამის ექაუნთის მიხედვით, „საავტორო ტურის“ მონაწილეები 6-12 მაისს მოინახულებენ საქართველოს ხუთ „ფერად ქალაქს“, მთებს ყაზბეგში, კახეთსა და ბორჯომში, ისტორიულ ღირსშესანიშნაობებს, ციხესიმაგრეებსა და „ათეულ საუკეთესო ლოკაციას“ . მომღერალი, ტურის მონაწილეებთან ერთად, საქართველოში ჩამოსვლას ვლადიკავკაზიდან გეგმავს.

ავტორი: ექსპრესნიუსი,

სოციალური ქსელები

ნანუკა ჟორჟოლიანმა მცხეთის იზოლატორი დატოვა

სუს-მა გრიგოლ ლილუაშვილის ყოფილი მოადგილე ლევან ახობაძე დააკავა

უკრაინის მასშტაბით ყოველდღე წუთიერი დუმილი გამოცხადდება

პსპ ფარმა თბილისის მუნიციპალიტეტის ბენეფიციარებს მედიკამენტებს კვირის ნებისმიერ დღეს ფასდაკლების დღეების ფასად მიაწვდის