მანდატები თქვენ გგონიათ, მამათქვენის და ბებიათქვენის გადმოცემული სუვენირი, მაგიტომაც ხართ ფარჩაკები და ტურები,- ასე მიმართა "ქართული ოცნების" დეპუტატმა, ალუდა ღუდუშაურმა ოპოზიციის წარმომადგენლებს პარლამენტის პლენარულ სხდომაზე.

როგორც ღუდუშაურმა სიტყვით გამოსვლისას აღნიშნა, ოპოზიცია საზოგადოებისგან პასუხს არჩევნებზე მიიღებს.

"სირცხვილია, როდესაც რომან გოცირიძე გვეძახის წინა საუკუნის ხალხს ანუ წარსულებს და თვითონ მიიჩნევს თავს მომავლად, სინათლედ - პირი, რომელიც "ნაციონალებმაც" კი გააქრეს. ხაბეიშვილი რომ გაგაგდებს და საკუთარ თავს, ზოგადად, თუნდაც კაცად მიიჩნევ, წარმოუდგენელი უტიფრობაა. ეს ადამიანი ჩვენს თანამოქალაქეებს, ღირსეულ ქართველებს, ვაჟკაცებს, ჩვენს დებს, ძმებს, შვილებს აყენებს შეურაცხყოფას და ეძახის სულელებს. როგორ ბედავთ საერთოდ ასეთ რაღაცებს?! ეს კაცი, რომელმაც თავი დაამახსოვრა საზოგადოებას, როგორც კუპონის მამამ, დღეს ასეთ სამარცხვინო რაღაცებს ბედავს. დარწმუნებული ვარ, რომ ამას ჩვენი საზოგადოება კარგად ხედავს.

როდესაც მის ამ განცხადებას მისი კოლეგები თუ ყოფილი კოლეგები "ნაციონალური მოძრაობიდან" აჟიტირებულები უყურებდნენ, მაგიტომ ხართ ასე 3-4%-იანები და მაგიტომ ხართ, რომ თავმჯდომარედ გყავთ ცირკის მასხარა ხაბეიშვილი - მაგიტომ ხართ მაგ უბედურ დღეში. მოვა არჩევნები და მიიღებთ საკუთარ ამ ქმედებებზე პასუხს. ვინ ვინ და თქვენ როდესაც ბედავთ და გვეუბნებით, ანტიდასავლური ძალა ხართო და ჩვენ გვეუბნებით კონსტიტუციას თურმე ვარღვევთ, რეგლამენტს ვარღვევთ. 8 თვის განმავლობაში საკუთარი ამომრჩევლის გადაწყვეტილება ფეხებზე რომ დაიკიდეთ, არ შეასრულეთ და მანდატები თქვენ ის გგონიათ, მამათქვენის და ბებიათქვენის გადმოცემული სუვენირი, მაგიტომაც ხართ ფარჩაკები და ტურები. ეს უსინდისოები, როგორ ბედავთ ხალხის შეურაცხყოფას? ვინ არის ანტიდასავლური ძალა. მე გეუბნებით, თქვენ, როდესაც დემოკრატიაზე საუბრობთ, მართლმსაჯულებაზე საუბრობთ, ბიზნესზე საუბრობთ, დაასახელეთ რა გააკეთეთ ქვეყნისთვის",- მიმართა ღუდუშაურმა ოპოზიციის წარმომადგენლებს. 

ავტორი: ექსპრესნიუსი,

სოციალური ქსელები

დასავლეთ საქართველოში მოსალოდნელია ძლიერი ნალექი, ქარბუქი, შტორმი - სააგენტოს გაფრთხილება

საქართველოს ბანკმა ბიზნესისთვის ფინანსური მიმზიდველობის თემაზე ვორკშოპი გამართა

ნარმანია - ბუნებრივ აირზე უფრო მაღალი ტარიფი შეიძლება დადგინდეს მაღალი მოხმარების ოჯახებისთვის

გამოძიება- ახალგაზრდა ორბანი საიდუმლო სამსახურების ინფორმატორი იყო, მისი მხილებები, სავარაუდოდ, მოსკოვში მიდიოდა