გადაწყვეტილება, რომელიც გამოქვეყნდა დღეს, არის ნამდვილად ძალიან დიდი წარმატება იმ გზაზე, რასაც საქართველოს დეოკუპაცია ჰქვია, - ასე გამოეხმაურა იუსტიციის მინისტრი, რატი ბრეგაძე 2008 წლის ომის საქმეზე სტრასბურგის სასამართლოს მიერ დღეს მიღებულ გადაწყვეტილებას.

მისივე თქმით, ჩადენილი დარღვევების შესახებ საფუძვლიანი მტკიცებულებების მოგროვებისა და ანალიზის შემდგომ, რომელიც საქართველოს მთავრობამ წარუდგინა სტრასბურგის სასამართლოს 2022 წლის 20 იანვარს, სასამართლომ მიიღო ისტორიული გადაწყვეტილება, სადაც რუსეთი კიდევ ერთხელ გამტყუნდა. 

„გადაწყვეტილება, რომელიც გამოქვეყნდა დღეს, არის ნამდვილად ძალიან დიდი წარმატება იმ გზაზე, რასაც საქართველოს დეოკუპაცია ჰქვია. მოკლე ექსკურსს გავაკეთებ იმ დავების შესახებ, რომლებიც იყო რუსეთის წინააღმდეგ. პირველი – ეს იყო ე.წ. დეპორტირებულების საქმე, რომელზეც უკვე არსებობს საბოლოო გადაწყვეტილება. რუსეთს  დაეკისრა უკანონოდ დეპორტირებული მოქალაქეების სასარგებლოდ 10 მილიონის გადახდა; შემდგომ – ეს იყო 2008 წლის ომის საქმე, სადაც 2021 წლის 21 იანვარს მიღებული ისტორიული გადაწყვეტილების თანახმად, დადგინდა ის დარღვევები, რომლებიც რუსეთის ფედერაციამ ჩაიდინა საქართველოს ტერიტორიაზე და ერთხელ და სამუდამოდ დადასტურდა ის ფაქტი, მათ შორის, სამართლებრივად, რომ სწორედ რუსეთის ფედერაციას აქვს ოკუპირებული საქართველოს ტერიტორიის გარკვეული ნაწილი. შემდგომ გაგრძელდა ეს საქმე და ჩადენილი დარღვევების შესახებ საფუძვლიანი მტკიცებულებების მოგროვების და ანალიზის შემდგომ, რომელიც საქართველოს მთავრობამ წარუდგინა სტრასბურგის სასამართლოს 2022 წლის 20 იანვარს, სასამართლომ მიიღო ეს ისტორიული გადაწყვეტილება", – განაცხადა რატი ბრეგაძემ.

ავტორი: ექსპრესნიუსი,

სოციალური ქსელები

დასავლეთ საქართველოში მოსალოდნელია ძლიერი ნალექი, ქარბუქი, შტორმი - სააგენტოს გაფრთხილება

საქართველოს ბანკმა ბიზნესისთვის ფინანსური მიმზიდველობის თემაზე ვორკშოპი გამართა

ნარმანია - ბუნებრივ აირზე უფრო მაღალი ტარიფი შეიძლება დადგინდეს მაღალი მოხმარების ოჯახებისთვის

გამოძიება- ახალგაზრდა ორბანი საიდუმლო სამსახურების ინფორმატორი იყო, მისი მხილებები, სავარაუდოდ, მოსკოვში მიდიოდა