საქართველოს ხელისუფლება ამ ეტაპზე უბრალოდ შეურაცხყოფს ქვეყნის პროევროპულ უმრავლესობას,- ასე ეხმაურება ევროპარლამენტარი ტეის რეიტენი საქართველოს პრემიერ-მინისტრის, ირაკლი ღარიბაშვილის უნგრეთში დაგეგმილ კონსერვატორთა საერთაშორისო კონფერენციაზე მონაწილეობის საკითხს.

მისი თქმით, "ქართულ ოცნებას" ევროკავშირის კანდიდატის სტატუსზე მუშაობას, ურჩევნია ვიქტორ ორბანთან და პუტინის სხვა მეგობრებთან ურთიერთობა.

"საქართველოს ხელისუფლება ამ ეტაპზე უბრალოდ შეურაცხყოფს ქვეყნის პრო-EU უმრავლესობას.

"ქართულ ოცნებას" ევროკავშირის კანდიდატის სტატუსზე მუშაობას ,ურჩევნია ვიქტორ ორბანთან და სხვა [ადამიანის] უფლებების მოწინააღმდეგ პუტინის მეგობრებთან ურთიერთობა. 

ეს არანაირად არ წარმოადგენს ჩვენს ევროპულ ღირებულებებს",- წერს ევროპარლამენტარი.

ცნობისთვის, საქართველოს პრემიერ-მინისტრი ირაკლი ღარიბაშვილი, 4-5 მაისს, უნგრეთში დაგეგმილ კონსერვატორთა საერთაშორისო კონფერენციაზე მიიწვიეს. მთავრობის მეთაური ღონისძიების სპკერების ჩამონათვალშია მოხსენიებული.

CPAC-უნგრეთის ვებგვერდზე გამოქვეყნებული ინფორმაციის მიხედვით, წლევანდელი კონფერენციის დევიზია „ერთად ძლიერები ვართ“. აღსანიშნავია, რომ წინა ღონისძიება ორიენტირებული „ღმერთის, სამშობლოს, ოჯახის“ ღირებულებებზე იყო.

ავტორი: ექსპრესნიუსი,

სოციალური ქსელები

დასავლეთ საქართველოში მოსალოდნელია ძლიერი ნალექი, ქარბუქი, შტორმი - სააგენტოს გაფრთხილება

საქართველოს ბანკმა ბიზნესისთვის ფინანსური მიმზიდველობის თემაზე ვორკშოპი გამართა

ნარმანია - ბუნებრივ აირზე უფრო მაღალი ტარიფი შეიძლება დადგინდეს მაღალი მოხმარების ოჯახებისთვის

გამოძიება- ახალგაზრდა ორბანი საიდუმლო სამსახურების ინფორმატორი იყო, მისი მხილებები, სავარაუდოდ, მოსკოვში მიდიოდა