ბაზისბანკის მხარდაჭერით, საქართველოს უნივერსიტეტში, მოსწავლეთა შორის STEM-ის ეროვნული შეჯიბრის ფინალი გაიმართა, რომლის მიზანს მეცნიერების, ტექნოლოგიების, ინჟინერიისა და მათემატიკის განვითარების ხელშეწყობა წარმოადგენს.

შეჯიბრის პირველ ეტაპზე ჩართული იყო 24 გუნდი, საქართველოს რეგიონების სკოლებიდან, რომელთაც დავალება ჰქონდათ შეემუშავებინათ და წარმოედგინათ ავტომატური წვეთოვანი სარწყავი სისტემით აღჭურვილი ბაღის პროექტი სკოლისთვის, სადაც შესაძლებელი იქნებოდა სხვადასხვა სახის მცენარისა და ბოსტნეულის მოყვანა, მთელი წლის განმავლობაში.

პროექტი მიზნად ისახავდა STEM-ის ყველა სფეროს ჩართვა: მეცნიერება, ტექნოლოგია, ინჟინერია და მათემატიკა. გარდა ამისა, მონაწილეებს უნდა დაესაბუთებინათ მათი სისტემის ეფექტურობა და მდგრადობა, ასევე მისი გამოყენებით ჯანსაღი და ეკოლოგიურად სუფთა კულტურების წარმოების შესაძლებლობა. 

მიღებული ნამუშევრები სპეციალური ჟიურის მიერ შეფასდა, რომლის წევრებიც STEM-ის ყველა სფეროს წარმომადგენელი ექსპერტები იყვნენ. ფინალურ ტურში, ჟიურის მიერ, 5 საუკეთესო გუნდი გამოვლინდა. 

პირველ, მეორე და მესამე ადგილზე გასული გუნდები გაემგზავრებიან CERN-ში (შვეიცარია).
ღონისძიებამ საინტერესოდ ჩაიარა, რაც როგორც მონაწილეების, ასევე ორგანიზატორებისა და მასპინძლების დამსახურებაა.

STEM-ის ეროვნული შეჯიბრი, აკადემიკოს ილია ვეკუას სახელობის ფიზიკა მათემატიკის ქალაქ თბილისის #42 სკოლის, საქართველოს უნივერსიტეტის და ალექსანდრე ქართველის ასოციაციის ორგანიზებით გაიმართა.

ავტორი: R (რეკლამა),

სოციალური ქსელები

წილოსანი ევროპის ქვეყნებზე - სულ ცოტა დრო გავიდა და ანალოგიურმა ძალადობრივმა აქციებმა ევროპის ქვეყნების ქუჩებშიც იფეთქა

ლაშა ფარულავა - მოვითხოვთ, შეწყდეს ხალხის სოციალური ტერორი და „ოცნებამ“ პასუხისმგებლობა აიღოს გაძვირებულ ცხოვრებაზე, საწვავი 5 ლარს გასცდა

უკრაინამ ერთ თვეში მეხუთედ დაარტყა რუსეთის უდიდეს ნავთობის ჰაბს სამარის რეგიონში

საიას შეფასებით, პაატა მანჯგალაძის წინააღმდეგ წარმოდგენილი მტკიცებულებები არ იყო საკმარისი გონივრულ ეჭვს მიღმა სტანდარტით მისი ბრალეულობის დასადასტურებლად