გერმანიის ლაბორატორიიდან მივიღეთ პასუხი, რომ მეტალების შემცველობა სისხლში არის ნორმის ქვემოთ, - ამის შესახებ "ვივამედის" კლინიკურმა დირექტორმა, ზურაბ ჩხაიძემ მესამე პრეზიდენტთან, მიხეილ სააკაშვილთან დაკავშირებით განაცხადა. 

როგორც ჩხაიძემ მედიის წარმომადგენლებთან საუბრისას აღნიშნა, ექსპრეზიდენტის ჯანმრთელობის მდგომარეობა სტაბილურია.

"პაციენტის ჯანმრთელობის მდგომარეობა არის სტაბილური, განსაკუთრებული ცვლილება დინამიკაში, ამ ბოლო პერიოდში არ მომხდარა. პაციენტი იმყოფება ძირითადად მაინც სიმპტომურ მკურნალობაზე. ჩვენი შეთავაზებული მკურნალობა ნაკლებად სრულდება. დღის განმავლობაში, პერიოდულად აღენიშნება ტემპერატორული რეაქცია, მაგრამ მაინც უფრო რჩება ნორმის ფარგლებში. რაც შეეხება კვებას, გრძელდება 400-500 კალორიის ფარგლებში. წონის ყოველდღიური კონტროლი ჩვენი თვითმიზანი არ არის, რადგან პაციენტის რეაქციაც ამაზე არაერთგვაროვანია. ამიტომ, როდესაც თვითონ გადაწყვეტს, მაშინ მოხდება აწონვა.

ჩვენ ყოველთვის, პაციენტის დაავადებების მიმდინარეობის დროს, ვაწარმოებთ კვლევის შედეგების მონიტორინგს, ამ კონკრეტულ შემთხვევაშიც ყოველთვის ხდებოდა ლაბორატორიული მონაცემების გადამოწმება და ეს კეთდება პროტოკოლის შესაბამისად. ჩვენ გაკეთებული გვქონდა კვლევა მძიმე მეტალების შესახებ მაისის თვეში და მისი ძირითადი დაავადებიდან გამომდინარე, ეს შედიოდა კვლევის პაკეტში არა იმიტომ, რომ ეჭვი იყო მიტანილი ინტოქსიკაციაზე, შედიოდა კვლევის პაკეტში და ამიტომ, ეს კვლევა იყო შესრულებული. გარკვეული პერიოდის შემდეგ მოხდა ისევ გადამოწმება. გაიგზავნა გერმანიის ერთ-ერთ ლაბორატორიაში და მივიღეთ დასკვნა, რომ მეტალების შემცველობა სისხლში არის ნორმის ქვემოთ. აქ ინტოქსციკაციაზე არ ყოფილა საუბარი", - განაცხადა ზურაბ ჩხაიძემ.

ავტორი: ექსპრესნიუსი,

სოციალური ქსელები

წილოსანი ევროპის ქვეყნებზე - სულ ცოტა დრო გავიდა და ანალოგიურმა ძალადობრივმა აქციებმა ევროპის ქვეყნების ქუჩებშიც იფეთქა

ლაშა ფარულავა - მოვითხოვთ, შეწყდეს ხალხის სოციალური ტერორი და „ოცნებამ“ პასუხისმგებლობა აიღოს გაძვირებულ ცხოვრებაზე, საწვავი 5 ლარს გასცდა

უკრაინამ ერთ თვეში მეხუთედ დაარტყა რუსეთის უდიდეს ნავთობის ჰაბს სამარის რეგიონში

საიას შეფასებით, პაატა მანჯგალაძის წინააღმდეგ წარმოდგენილი მტკიცებულებები არ იყო საკმარისი გონივრულ ეჭვს მიღმა სტანდარტით მისი ბრალეულობის დასადასტურებლად