ჩვენ გავაგრძელებთ გამოძიებას და გადავაბრუნებთ ყველა ქვას, სანამ არ ვიპოვით ზუსტ წყაროს, - ამის შესახებ აშშ-ის თავდაცვის მდივანმა, ლოიდ ოსტინმა, საიდუმლო დოკუმენტების გავრცელების ფაქტთან დაკავშირებით, სახელმწიფო დეპარტამენტში გამართულ პრესკონფერენციაზე განაცხადა.

ოსტინის თქმით, აღნიშნულ ფაქტთან დაკავშირებით მიმდინარეობს გამოძიება და აშშ-ს თავდაცვა ყველაფერს გააკეთებს, შეინარჩუნოს ამერიკის უსაფრთხოება.

"საქმე გადავეცით იუსტიციის დეპარტამენტს, რომელმაც დაიწყო სისხლის სამართლის გამოძიება. ახლა უფრო მეტს ვერ გეტყვით, ვიდრე გამოძიება მიმდინარეობს, მაგრამ ჩვენ ამას ძალიან სერიოზულად ვეკიდებით. ჩვენ გავაგრძელებთ მჭიდრო თანამშრომლობას ჩვენს მოკავშირეებსა და პარტნიორებთან. ვერაფერი შეგვიშლის ხელს შევინარჩუნოთ ამერიკის უსაფრთხოება“, – განაცხადა ლოიდ ოსტინმა.

შეგახსენებთ, რომ 6 აპრილს, პენტაგონის საიდუმლო დოკუმენტები Twitter-სა და Telegram-ზე გავრცელდა, სადაც ოფიციალური პირების განცხადებით, განხილულია თემების ფართო სპექტრი, რომლებიც ეხება ომს უკრაინაში, ჩინეთს, ახლო აღმოსავლეთსა და აფრიკას. ამასთან, ერთ-ერთ დოკუმენტში, რომელიც დათარიღებულია 23 თებერვლით, დეტალურად არის აღწერილი, თუ როგორ ამოიწურება უკრაინის S-300 ტიპის საჰაერო თავდაცვის სისტემების მარაგი გამოყენების ამჟამინდელი ტემპით 2 მაისამდე.

აშშ-ის იუსტიციის დეპარტამენტმა პენტაგონის დოკუმენტების შესაძლო გავრცელების ფაქტზე გამოძიება 9 აპრილს დაიწყო.

ამასთან, გაერთიანებული სამეფოს თავდაცვის სამინისტროს კომენტარი არ გაუკეთებია, მაგრამ Twitter-ში გამოქვეყნებულ პოსტში აღნიშნულია, რომ აშშ-ის სავარაუდო საიდუმლო ინფორმაციის გაჟონვა უზუსტობის მაღალი დონით ხასიათდება.

ავტორი: ექსპრესნიუსი,

სოციალური ქსელები

ბოჭორიშვილი: მაისში სახელმწიფო დეპარტამენტის წარმომადგენლების ვიზიტი იქნება საქართველოში

პუტინმა ტრამპს განუცხადა, რომ მზადაა 9 მაისს უკრაინაში დროებითი ცეცხლის შეწყვეტა გამოაცხადოს

თურქეთმა რუსებისთვის ბინადრობის ნებართვის მიღების საფასური თითქმის 15-ჯერ გაზარდა

ბათუმში სამსართულიან საცხოვრებელ სახლში ხანძარია