საქართველოს პრეზიდენტმა ნანა მახარაძე და ნანა მალაშხია ღირსების მედლებით დააჯილდოვა [ვიდეო]

2023-04-09 12:57:35, 1555 ნახვა

საზოგადოება

საქართველოს პრეზიდენტმა, სალომე ზურაბიშვილმა ნანა მახარაძე და ნანა მალაშხია ღირსების მედლებით დააჯილდოვა.

მახარაძეს მედალი საქართველოს დამოუკიდებლობის მოსაპოვებლად, ეროვნულ-განმანთავისუფლებელ ბრძოლაში მტკიცე სამოქალაქო პოზიციის გამოვლენისა და საზოგადოების პატრიოტული სულისკვეთების ამაღლებისთვის, ხოლო ნანა მალაშხიას საქართველოს ევროპული მომავლისთვის ბრძოლაში მტკიცე და აქტიური სამოქალაქო პოზიციის გამოვლენისთვის გადაეცა.

"ეს არ არის პერსონალური ჯილდო, ეს ეძღვნება 9 აპრილის ქალებს; ეძღვნება ყველა იმ ქალს, რომელიც ამ და სხვა პერიოდში იბრძოდა საქართველოს დამოუკიდებლობისა და მომავლისთვის. ეს ორი - ნანა მახარაძე და ნანა მალაშხია არიან ამის სახე", - განაცხადა სალომე ზურაბიშვილმა ოპერისა და ბალეტის თეატრში გამართულ ღონისძიებაზე.

პრეზიდენტი ასევე გამოვიდა ინიციატივით, რომ ვაკის პარკში მეორე მსოფლიო ომის მემორიალი ქართველი ხალხის ყველა ბრძოლის მემორიალად გადაკეთდეს.