როგორ უნდა გავხდეთ ნოტარიუსი, როგორია სტაჟირების კონკურსის წესი და პირობები, რას გულისხმობს სტაჟირება ნოტარიუსთა პალატაში, რა ეტაპები უნდა გაიაროს პროფესიით დაინტერესებულმა პირმა, - ამ და ზოგადად, პროფესია ნოტარიუსის შესახებ აუცილებელ სხვა მნიშვნელოვან თემებზე,  ეკატერინე შენგელიამ თბილისის სახელმწიფო უნივერსიტეტის იურიდიული ფაკულტეტის სტუდენტებს დეტალური ინფორმაცია მიაწოდა. აღნიშნულის შესახებ ინფორმაციას იუსტიციის სამინისტრო ავრცელებს.

უწყების ცნობით, საჯარო ლექციის დასასრულს ნოტარიუსმა ეკატერინე შენგელიამ სტუდენტების შეკითხვებს უპასუხა და მომავალ იურისტებს სანოტარო სფეროში საკუთარი გამოცდილება გაუზიარა.
 
"სტუდენტურ წრეებთან თანამშრომლობა ნოტარიუსთა პალატის საქმიანობის პრიორიტეტია. პროფესია ნოტარიუსის შესახებ საჯარო ლექციების გამართვის მიზანი სტუდენტებისთვის სანოტარო საქმიანობის უკეთ გაცნობაა, რაც მომავალ იურისტებს პროფესიული არჩევანის გაკეთებაში დაეხმარება. ნოტარიატის სისტემას კი საშუალებას მისცემს, მოიზიდოს ახალგაზრდა და მოტივირებული კადრები.
 
საქართველოს ნოტარიუსთა პალატა პროფესია ნოტარიუსის შესახებ საჯარო ლექციების გამართვას მომავალშიც გააგრძელებს",- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო